Cfarë është omfalocela?
Omfalocela është një hernie e organeve të brëndshme e cila shfaqet jashtë paretit abdominal, e cila zhvillohet rreth javës së 6-10 të shtatëzanisë. Në këtë fazë do të vërehet një dalje e zorrëve nëpërmjet kordonit ombelikal.
Njihen 2 lloje omfalocele:
1- Omfalocela e vogël, në këtë rast hapja nuk është më e madhe se 4 cm dhe përfshin vetëm zorrët.
2- Omfalocela e rëndë, në këtë rast bëhet fjalë për një hapje më të madhe se 4 cm dhe përfshihen edhe organe të tjera, si mëlcia.
Diagnoza prenatale
Në pjesën më të madhe të rasteve, omfalocela diagnostikohet me anën e ekografisë të bërë gjatë shtatëzanisë, duke bërë edhe vlerësimin e prezencës ose jo të anomalive të tjera.
Lindja
– Në rastin e një problemi të tillë nuk është e këshillueshme të kryhet një lindje normale. Lindja me operacion siguron një mbrojtje më të mirë të mëlçisë gjatë çarjes së membranave, gjë e cila nuk garantohet me çarjen e ujërave gjatë lindjes normale.
– Stafi mjekësor duhet të jetë i pranishëm në reaminacion, dhe jo vetëm. Prezent duhet të jetë edhe një konsulent specialist për raste të tilla.
– Duke qënë se këta fëmijë mund të shfaqin probleme të papritura në mushkëri, kërkohet intubimi i hershëm, i cili do t’i mundësojë fëmijës një frymëmarrje të mirë.
– Mjeku specialist i rastit mund të kërkojë të mos çahen membranat nga gjinekologu gjatë nxjerrjes së fëmijës nga barku i nënës.
– Në rastet kur fëmija nuk përgjigjet mirë gjatë qëndrimit në reaminacion, mund të lindin dyshimet për sëmundje të lindura kardiake.
Kujdesi pas reaminacionit duhet të përqëndrohet në:
1- Kujdesi ndaj omfalocelës, mbulimi i qeses si edhe furnizimi me gjak
– Një çarje e qeses duhet të menaxhohet si një rast “gastrokrize”, situatë e cila kërkon ndërhyrjen e menjëhershme kirurgjikale;
– Zorra duhet të futet brenda një tubi gastrik me diametër të madh;
– Një qese e padëmtuar duhet të vishet me një garzë sterile, të zhytyr në një solucion salin (të kripur) dhe veshje të papërshkueshme në mënyrë që të mos humbë lëngje;
– Organet e brendshme duhet të analizohen me kujdes në lidhje me ngjyrën dhe funksionin e tyre.
2- Rikuperimi i lëngjeve
– Duke qënë se këta fëmijë kanë një qese që mbulon zonën, kanë humbje më të mëdha të lëngjeve;
– Nëse ka pasur një çarje të qeses, humbja e lëngjeve do të jetë e njëjtë me një rast gastrokrize;
– Të gjithë fëmijët e lindur me këtë problem duhet të marrin një sasi të caktuar lëngu ditor, e cila mund të jetë 10% glukozë/0.22% solucion salin;
3- Rregullimi i temperaturës
Këta fëmijë humbin nxehtësi nëpërmjet omfalocelës dhe për këtë mbajtja e temperaturës nën kontroll është shumë e rëndësishme.
Menaxhimi i ndërhyrjes kirurgjikale
– Ndërhyrja duhet të konsiderohet se ka filluar në mënyrën e duhur nëse fëmija është brenda qeses amniotike;
– Fëmija duhet të futet me urgjencë në operacion nëse paraqitet një çarje e qeses;
– Trajtimi varet nga madhësia e defektit, mosha e shtatëzanisë në të cilën ka ardhur në jetë fëmija si edhe prezenca apo jo e ndonjë anomalie;
– Defektet e vogla mund të riparohen me kthimin brenda të qeses dhe më pas qepjen e paretit abdominal.
Komplikacionet e operacionit
Komplikacionet do të varen nga madhësia e lezionit, lloji i ndërhyrjes, mosha e shtatëzanisë si edhe anomalitë e tjera. Të gjitha këto mund të përfshijnë:
– Dëmtime të paqëllimshme të fshikëzës së urinës, nëse ajo është brenda omfalocelës;
– Rrezik për infeksion tek foshnja;
– Mbështjellja e zorrëve, situatë e cila mund të zhvillohet pas operacionit etj.
Situata post-operative
– Shumica e fëmijëve kanë nevojën e një ventilimi (ajrimi) mekanik për disa ditë pas operacionit;
– Mund të shfrytëzohet një tub nazo-gastrik për të nxjerrë jashtë mbetjet gastrike;
– Ushqyerja mund të bëhet në momentin kur mbetjet gastrike të jenë në rënie. Në rreth 60% të rasteve fëmijët e lindur me këtë sindromë shfaqin probleme me ushqyerjen;
– Në rreth 75-95% të rasteve operacioni përfundon me sukses dhe fëmija mbijeton. Infeksionet dhe astma mund të jenë pjesë e periudhës post-operatore;
– Në pjesën më të madhe të rasteve, fëmijët që nuk kanë shfaqur anomali të tjera, kanë një zhvillim të mirë fizik dhe neurologjik.
Lexoni edhe: Te kurojme omfalocelen
Për të lënë një koment ju duhet të jeni regjistruar Identifikohu