Çdo gjë që mund të rrezikojë ose vështirësojë jetën e fëmijës suaj është një goditje shpirtërore për prindin. Por, ashtu si me gjithçka, koha është ilaçi më i mirë. Megjithatë, lajmi fillestar i çrregullimeve fizike, emocionale ose të sjelljes mund të jetë shumë i vështirë për t’u pranuar. Edhe gjithë mendimet që pasojnë janë shumë të vështira e të mundimshme.
Alyse, përmes kanalit të saj në Youtube tregon për lajmin e hidhur se fëmija i saj kishte shenja të sindromës Down. Si shumë nëna të tjera, ajo kishte frikë se mendimet e saj e bënin atë një nënë të keqe.
“Nuk është sekret që kam pasur një kohë të vështirë kur mjeku më tha se Flick kishte karakteristikat e sindromës Down. Ishte kaq e vështirë saqë e fsheha nga shumë njerëz, madje edhe nga miqtë dhe familjen e ngushtë”, pranon ajo.
Pas diagnozës së Flick, ajo kishte një kohë të vështirë duke u përballur me mundësinë që Flick kishte shumë gjasa të ishte fëmija i saj i fundit. Ndjenjat e tronditën dhe ajo u frikësua shumë.
“E urrej veten kur kam këto momente të errëta spese vajza ime është bota ime. Por, unë kam frikë të bëj fëmijë të tjerë. Nuk kam gjetur ende një balancë pa u ndjerë nënë ose grua e keqe. Pra nëse më thotë dikush se është shtatzanë dhe nuk e uroj, mos mendoni se nuk gëzohem. Unë thjesht nuk kam bërë ende paqe me veten time.
Shqetësimet tuaja për fëmijën nuk ju bëjnë një prind të keq. Në fund, ato do t’ju ndihmojnë të bëheni më të mirë.
Lexo edhe: Sindroma down, te vertetat dhe te pavertetat
Sorry, there are no polls available at the moment.
Për të lënë një koment ju duhet të jeni regjistruar Identifikohu