Në familjet me fëmijë të vegjël është e pamundur të mos gjesh të paktën një dhomë të mbuluar tërësisht nga lodrat. Secili prind dëshiron të plotësojë çdo tekë të fëmijës, duke i blerë gjithçka, pjesa më e madhe e të cilave janë të panevojshme.
Fëmijët luajnë dy ose tre ditë me lodrat e reja dhe më pas i flakin ato. Në këtë mënyrë ju vetëm krijoni një rrëmujë të madhe në shtëpinë tuaj me gjëra që realisht nuk ju nevojiten.
Prindërit përpiqen të zëvendësojnë mungesën e tyre duke blerë lodra për fëmijën, por në fakt, kjo nuk rregullon asgjë. Fëmija ka nevojë për prezencën prindërore më shumë sesa për lodrat, të cilat në disa raste, mund edhe t’i dëmtojnë. Nëse blini shumë lodra, ka shumë gjasa që t’i blini të një cilësie jo shumë të mrië, për të mos shpenzuar shumë dhe ato mund të jenë të dëmshme për shëndetin e fëmijëve.
Blerja e shumë lodrave të panevojshme gjithashtu do të ndikojë në marrëdhënien me partnetrin, pasi jo të dy prindërit mund të jenë dakord me këtë shpenzim të padobishëm.
Sipas një studimi, mesatarisht 60 % e prindërve blejnë lodra që nuk janë të domosdoshme. 90 % e blerësve janë nënat dhe vetëm 10 % janë baballarët.
Ekspertët theksojnë që përpara se të blini një lodër për fëmijën, mbani parasysh rëndësinë që ajo do të ketë për të. Nëse nuk i shërben, më mirë të mos shpenzoni para duke e blerë. Ata gjithashtu këshillojnë që të blini lodra si puzzle, me karakter formues, të cilat zhvillojnë inteligjencën e fëmijës.
Lexo edhe: A duhen ndare lodrat sipas gjinise se femijes?
Sorry, there are no polls available at the moment.
')}
Për të lënë një koment ju duhet të jeni regjistruar Identifikohu