Një studim në Shkollën Mjekësore të Universitetit të Kalifornisë ishte në gjendje të verifikonte se disa fibroblaste janë në gjendje të kthehen në qelizat e yndyrës, duke i dhënë pamjen kompakte dhe të relaksuar, tipike për një lëkure të re. Për më tepër, ato janë në gjendje të prodhojnë një peptid që luan një rol kyç në luftimin e infeksioneve.
Sipas Richard Gallo, kryetar i Departamentit të Dermatologjisë së Universitetit i cili udhëhoqi studimin, humbja e aftësisë së fibroblasteve për t’u kthyer në yndyrë ndikon kryesisht në mënyrën se si lëkura lufton infeksionet, por ka edhe implikime në rrugën e lëkurës gjatë plakjes.
Kilogramët shtesë nuk ndihmojnë
A do të thotë kjo se duke shtuar disa kilogramë fytyra juaj mund të duket më e freskët dhe më e re? Jo, kjo nuk është një ftesë për të vënë në punë peshoren. Në fakt, shkencëtarët kanë shpjeguar se rritja e peshës nuk është mënyra e duhur për të kthyer fibroblastet e lëkurës në qelizat e yndyrës sepse obeziteti gjithashtu ndërhyn me aftësinë për të luftuar infeksionet. Hulumtuesit kanë zbuluar se si një proteinë (TGF-beta) pengon fibroblastet që të kthehen në qelizat e yndyrës dhe qelizave për të prodhuar një proteinë (cathelicidin peptide) që ndihmon në mbrojtjen kundër infeksioneve bakteriale. Në parim, është e nevojshme që të pritet që studimet të vazhdojnë të nxjerrin në pah çdo strategji që mund të ndihmojë në ruajtjen e pamjes së freskët të lëkurës.
Kozmetikë e duhur dhe dietë e duhur
Ndërkohë, zakonet për një lëkurë të shëndetshme vazhdojnë të jenë në fuqi, të tilla si dietë e pasur me fruta dhe perime që ofrojnë antioksidantë të vlefshëm, substanca që kundërveprojnë proceset oksidative që përshpejtojnë plakjen e lëkurës. Nga kjo pikëpamje, kozmetika që siguron hidratimin dhe ushqyerjen e lëkurës ndihmon që lëkura të jetë elastike.
E rëndësishme është të mbroni veten nga dielli: rrezet e diellit janë një faktor i fortë rreziku për lëkurën, sepse ato depërtojnë thellë në të, dëmtojnë fibroblastet dhe përshpejtojnë shfaqjen e rrudhave.
Për të lënë një koment ju duhet të jeni regjistruar Identifikohu