Ma thuaj me fjalë. Pse nervozohesh? Çfarë do, thuaje me fjalë, kërkoje. Këto fraza i kemi përdorur të gjithë kur fëmijët tanë nuk dinë të kërkojnë apo të shprehin diçka dhe bëhen nervozë, ose qajnë. Në fakt është e gabuar t’i thuash fëmijës “Ma thuaj me fjalë”.
Po i dëmtoni fëmijët
Në vend të kësaj fraze përpiquni të kuptoni çfarë do fëmija dhe ta thoni ju atë që ai nuk shpreh dot me fjalë. Fjalët i shprehni me tonin që do të dëshironit ta thoshte fëmija, në mënyrë që ai ta mësojë duke ju dëgjuar. Për foshnjat duhet ta bëni këtë gjë gjithë ditën. Është njësoj sikur mësoni një gjuhë të huaj. Fëmijët bëhen konfuzë, njësoj siç do të bëheshit ju duke mësuar fjalë të një gjuhe që nuk e njihni.
Në vend të “Ma thuaj me fjalë”
Kini parasysh: fëmija nuk mëson duke i bërtitur, duke i thënë “Ma thuaj me fjalë”. Fëmija mëson të shprehet me fjalë vetëm duke dëgjuar nga ju. Nëse ju i flisni për gjithçka që ata duan të shprehin, rezultati do të jetë shumë më i mirë dhe shumë më i shpejtë.
Lexo edhe: Shenjat qe ndihmojne komunikimin e hershem te femijes
Për të lënë një koment ju duhet të jeni regjistruar Identifikohu