Lëkura e bebes është shumë e ndjeshme dhe mund të irritohet me shumë lehtësi. Ndër llojet më të shpeshta të irritimeve të lëkurës të fëmijës janë:

1. Ekzema

Lëkura shfaqet e thatë, e kuqe, vende-vende e verdhë dhe e rrjepur. Fëmija nga kruajtjet mund ta gjakosë dhe acarohet edhe më tepër nga materiali i keq i veshjeve si edhe nga nxehtësia.  Kjo gjendje përkeqësohet nga era e dimrit si edhe vapa në verë, nga kremrat dhe shampot jo bimore si edhe materiali poliestër. Ju duhet të hidratoni shumë mirë lëkurën e fëmijës me kremra trë posacëm për ekzema.

2. Vaporet

Shfaqen në kohën e vapës dhe nëse lëkura nuk ajrohet mjaftueshëm. Lëkura skuqet dhe mbushet me puçrra, të cilat mund të shfaqen edhe në stinën e dimrit nëse fëmija nuk hidratohet mjaftueshëm dhe ndien vapë duke qënë se ata kanë vështirësi në rregullimin e temperaturës. Nëse ato shfaqen tek fëmija duhet ta lani atë më shpesh dhe të përdorni veshje pambuku.

3. Njollat e kuqe

Ato mund të shfaqen si pasojë e një alergjie ose si pasojë e një virusi, të cilat zgjasin zakonisht 1-2 ditë dhe dalin rreth 3 javë pasi virusi është shfaqur. Nëse ato shfaqen dhe shoqërohen me të vjella apo probleme në frymëmarrje duhet të shkoni tek mjeku.

4. Plasaritja e lëkurës

Zakonisht shfaqet në stinën e dimrit pasi fëmija është ekspozuar në erë të ftohtë. Zakonisht fëmijët e kanë ves të lëpijnë buzët e çara gjë e cila e rëndon edhe më tepër situatën. Parandalimi është trajtimi më i mirë për këtë arsye duhet të aplikoni një zbutës dhe hidratues tek buzët e fëmijës. Këtë e bëni edhe tek duart e tij.

Lexoni edhe: Hemangioma, shenjat e kuqe