Listeria është një infeksion i shkaktuar nga një bakter, (Listeria monocytogenes), e cila gjendet në tokë dhe ujë. Ky infeksion vjen në kontakt me njerëzit nëpërmjet konsumimit të ushqimeve të helmuara. Të sapolindurit, të moshuarit dhe gratë shtatzëna janë të predipozuar për tu prekur më shumë.

Studimet amerikane tregojnë se probabiliteti i një gruaje shtatzënë që të preket nga ky bakter është rreth 20 herë më i lartë se ai i një personi tjetër.  Në përgjithësi tek gratë shtatzëna listeria shikohet në testin e gjakut. Simptoma tipike e listerisë është gjendja e gripit. Por ajo çka është e rëndësishme për tu theksuar është se pasojat më serioze kanë të bëjnë më fetusin, tek i cili infeksioni transmetohet nëpërmjet plaçentës.  Ndër pasojat më të mëdha të këtij infeksioni në tremujorin e parë të shtatzënisë janë lindja e parakohshme, aborti dhe vdekja e fetusit.

Në tremujorin e tretë, fëmija i prekur nga ky infeksion mund të përballet me probleme të ndryshme shëndetësore, duke përfshirë vonesën mendore, verbëri, sëmundje të zemrës, sëmundje të trurit ose veshkave. Listeria mund të shkaktojë infeksione të gjakut dhe meningjitin tek të sapolindurit.

Në rastin e trajtimit të këtij infeksioni është parandalimi me antibiotike. Zbatohet shumë lehtë duke përdorur rregullat e përgjithshme të higjenës para se të konsumoni një ushqim.  Gratë shtatzana duhet të konsumojnë ushqime të gatuara mirë. Perimet dhe frutat duhet t’i lani me ujë të bollshëm.

Edhe ushqimet fast-food janë një burim i këtij infeksioni, nëse nuk janë të gatuara mirë ose shumë të nxehta. Gjithmonë duhet t’i lani duart përpara se të gatuani. Pastroni thikën me kujdes për të shmnagur çdo infeksion të mundshëm.  Bakteri i listerisë mund të riprodhohet në ushqime të ruajtura në frigorifer. Temperatura që duhet të mbajmë ushqimin duhet të jetë më pak se 4 ° C.

Lexo edhe: A mund te konsumojme sallate ne shtatzani?
')}