Sipas disa specialistëve, molusqet gjatë shtatzanisë mund të konsumohen vetëm me një kusht: Të jenë të gatuara mirë. Midhje është përdorur emri i përbashkët për anëtarët e familjeve te molusqeve nga deti dhe habitatet e ujërave të ëmbla. Nëse janë krudo (të pagatuara) ato bëjnë pjesë në listën me ushqimet që duhet të shmangen pasi mund të shkaktojnë infeksione tek gruaja shtatzënë dhe tek fëmija që ndodhet në bark. Kur molusqet konsumohen të pagatuara mirë ato çojnë në një sërë infeksionesh të rënda dhe krijojnë probleme për nënën dhe fetusin.
Nga 3 infeskione mund të prekeni nëse konsumoni ushqime të tilla:
Salmonela
Salmonela është më e shpeshtë në verë sesa në dimër. Fëmijët janë më të prekshëm nga kjo sëmundje. Gjithashtu mund të preken të rinjtë dhe të rriturit që kanë sistem imunitar të dobët. Çdo njeri mund të sëmuret me salmonelë duke konsumuar ushqim me salmonelë. Kjo ndodh në disa raste: Ushqimi mund të jetë kontaminuar gjatë proçesit të përpunimit ose nga ushqime të përgatitura me dorë.
Salmonela mund të gjendet në feçet (jashtëqitjet) e kafshëve shtëpiake, kryesisht atyre që mund të kenë diarre. Njerëzit mund të infektohen nëse nuk bëjnë larjen e duarve pas kontakteve me to. Mishi i viçit, i derrit, i pulës dhe vezët mund të jenë të infektuara me salmonelë. Por gjithashtu edhe perimet e freskëta (sallata, qepët, karota, spinaqi, domatet, patatet, speci etj) mund të jenë të kontaminuara me salmonelë.
Toksoplazmoza
Toksoplazmoza është një infeksion i shkaktuar nga një mikroogranizëm i quajtur: Toksoplazmoza gondii. Në të shumtën e rasteve nëna nuk e di që ka qenë e prekur prej saj, sepse në përgjithësi simptomat e saj janë të lehta si psh: lodhje fizike, dhimbje koke ose fyti etj. Nëse gruaja preket një herë prej toksoplazmozes, nuk ka rrezik për t’u prekur më, pasi ajo e bën trupin e gruas imun të perhershem. Nëse shfaqja e këtij infeksioni ndodh gjatë shtatzanise, mund të jetë shumë e rrezikshme, kjo pasi mund të depertohet në fetus nëpërmjet placentës.
Listeroza
Bëhet fjalë për një infeksion i cili shkaktohet nga ushqimet e kontaminuara si edhe nga ato të skaduara. Bakteri listeria monocytogenes është përgjegjës për infeksionin dhe prandaj parandalimi është shumë i rëndësishëm. Një tjetër masë që mund të merrni për ta parandaluar do të ishte edhe larja e duarve, pastrimi i frigoriferit si edhe i të gjithë sipërfaqeve që janë në kontakt me ushqimin. Të mos harrojmë edhe konsumimin e produkteve të pasterizuara.
Lexo edhe: Karkalecat, a mund t’i konsumojme ne shtatzani?
')}
Për të lënë një koment ju duhet të jeni regjistruar Identifikohu