Fëmijët 2-3 vjeçarë nuk e dinë se çfarë është një i huaj dhe nuk e kanë aspak këtë koncept. Fëmijët fillojnë të kuptojnë diçka të tillë rreth moshës 4-vjeçare, megjithatë është ende shumë herët për t’i lënë ata pa mbikëqyrje.
Si duhet të filloj të flas me fëmijën tim për të huajt?
Filloni me konceptet bazë të sigurisë për veten
Përpara se t’i flisni fëmijës për të huajt, fillimisht bisedoni për sigurinë e përgjithshme. Mësojeni të qëndrojë afër jush kur jeni jashtë dhe të mos ua lëshojë dorën në asnjë moment, sidomos në vende plot me njerëz.
Mësojini fëmijës privatësinë e trupit
Fëmijët 4-vjeçarë nuk janë shumë të vegjël për të ditur emrat e organeve gjenitalë dhe se është e gabuar që dikush t’i prekë atje.
Shpjegojini konceptin e të huajve
Shpjegojini fëmijës se një i huaj është dikush që nuk e njeh. Ju mund të tregoni raste në një ditë të zakonshme, për shembull, një burrë në supermarket ose një grua në park. Për të shmangur frikësimin e fëmijës tuaj, mos e bëni këtë diçka të frikshme, thjesht tregoni se ata janë të huaj, mos i cilësoni as si njerëz të mirë, as të këqinj.
Shpjegoni çfarë duhet dhe çfarë nuk duhet të bëjë fëmija
Krijo disa rregulla sesi duhet të sillet fëmija me të huajt. Thojini se nëse humb në supermarket të drejtohet në kasë dhe të tregojë se ka humbur, pa lëvizur që atje derisa sa të shkoni ju.
Nëse një i panjohur i është afruar, duhet të drejtohet drirekt tek ju, ose tek personi që kujdeset që mund të jetë dadoja, gjyshja, një i afërm etj.
Tregojini kujt mund t’i besojnë
Përveç gjysheve dhe babait, jepni disa shembuj të të rriturve që fëmija mund t’i besojë si për shembull një mësues, një polic, dikush që e dini se është i sigurt etj.
Përsëriteni mesazhin
Fëmijët e vegjël mësojnë përmes përsëritjes, kështu që duhet të theksoni rregullat sa herë që lind nevoja.
Mësoji fëmijës se si të të gjejë
Filloni t’i mësoni fëmijës emrin dhe mbiemrin tuaj të plotë, më pas adresën dhe nurmin e telefonit. Që nëse ndodh ndonjëherë të humbasë, të dijë si të kërkojë ndihmë.
Lexo edhe: Siguria e femijes, si te parandaloni qe ata te largohen me personat e panjohur?
')}
Për të lënë një koment ju duhet të jeni regjistruar Identifikohu