Fëmija nga lindja pëson ndryshime të shumta jo vetëm në fizik por edhe në fusha të ndryshme, duke përmendur këtu edhe atë sociale.

Cilat janë ndryshimet kryesore të bebes?

0-3 muajsh

Fëmija  reagon ndaj stimujve, tregon interes dhe kuriozitet, qesh me lehtësi.

3-6 muajsh

Bebi mund të kuptojë çfarë mund të ndodhë dhe përjeton zhgënjim nëse gjëja që pret nuk ndodh. Ai e tregon zhgënjimin nëpërmjet shqetësimit.

 7-9 muajsh

Foshnja preferon të ketë njerëz rrotull dhe të ketë vëmendjen e tyre. Ajo i shpreh emocionet si gëzim, frikë, zëmërim dhe habi duke ju përshtatur sjelljes së të tjerëve.

9-12 muajsh

Bebi juaj tani është shumë e lidhur me atë që kujdeset për të dhe mund të frikësohet nëse i afrohet dikush tjetër. Rreth moshës 1 vjeç, ai i shpreh emocionet me qartë.

12-18 muajsh

Fëmija vëzhgon mjedisin pa frikë, kjo siguri i vjen nga njerëzit përreth. Ata janë për të siguria e folesë së vet. Ndërkohë që e njeh më mirë mjedisin rrotull vetes, dhe ka më shumë besim në vetvete.

18-36 muajsh

Fëmijët në këtë moshë përjetojnë shumë ankth sepse kuptojnë se janë të ndarë nga kujdestarët e tyre. Nëna dhe babai ikin në punë, merren me punë në shtëpi dhe nuk janë gjithë kohën me ta pranë. Ata përpiqen të shmangin ankthin e shkaktuar nga kjo ndarje duke u identifikuar me të rriturit në lojërat e tyre (unë jam babi, unë jam doktoresha, unë jam shitësja, unë jam polici). Nëse nëna e babai i japin fëmijës së tyre dashuri, besim dhe siguri në mënyrë të pandërprerë, fëmija do të zhvillojë ndjesinë që bota, veçanërisht ajo e njerëzve, është një vend i sigurt, se njerëzit janë të mirë dhe dashamirës. Nëse prindërit dhe kujdestarët e refuzojnë fëmijën ose e dënojnë atë, nëse ata plotësojnë më shumë nevojat e tyre sesa nevojat e fëmijëve, fëmija do të zhvillojë ndjenjën e mosbesimit. Ai nuk u beson as prindërve dhe as personave pranë tij. Ai do të rritet duke qenë vazhdimisht dyshues.