Kujdesi per kordonin umbelikal duhet te jete maksimal pas kthimit ne shtepi. Me menyren e duhur ai do te sherohet ne menyren e duhur.

Disa karakteristika të kordonit umbelikal…

 Ai do të bjerë brenda një kohe të shkurtër, si pasojë e bllokimit të enëve të gjakut;
 Gjatë kohës së tharjes është shumë e rëndësishme të trajtohet në mënyrën e duhur;
 Është rreth 10 cm i gjatë dhe mbyllet me anën e një kapëse plastike.
Kur bie kordoni umbelikal?
Tharja e kordonit shkaktohet nga dehidratimi i indeve, gjë e cila do të shoqërohet nga rënia e tij. Gjatë kësaj kohe është e rëndësishme që kjo pjesë të qëndrojë e thatë dhe e pastër. Pas rreth 7-10 ditësh ky kordon do të bjerë në mënyrë spontane.
Përse nëna duhet të kujdeset në mënyrën e duhur për kordonin?
Mbajtja pastër dhe thatë e kordonit umbelikal që ndodhet në kërthizën e fëmijës, jo vetëm favorizon shkëputjen natyrale por edhe ul rrezikun e shfaqjes së ndonjë infeksioni në këtë zonë delikate. Gjatë kësaj kohe këshillohet të mos I bëni banjo fëmijës, por nëse vendosni të veproni ndryshe duhet të kudjeseni që të mos e lagni aspak kërthizën. Edhe pasi ka rënë kordoni, kërthiza e fëmijës duhet të trajtohet për disa ditë më pas derisa të shërohet plotësisht. Kini parasysh se është shumë e rëndësishme që duart tuaja, dhe sidomos thonjtë të jenë tepër të pastër në momentin që do të bëhet ndërrimi dhe pastrimi i kërthizës së bebes.

Lexoni dhe:Mjekimi i kerthizes