Konjuktiviti është një problem që haset shumë shpesh tek fëmijët e vegjël që në muajt e parë të jetës. Shkaktar mund të bëhet dielli, era, një gjendje virale, bakterie dhe viruse etj. Ja si të  silleni nëse ndodh diçka e tillë.

Kur konjuktiviti shfaqet tek të porsalindurit

Tek të porsalindurit manifestohet me fryrje dhe inflamacion dhe shpesh shkaktohet nga bllokimi i kanalit të lotit. Nëse kanali i lotit është i bllokuar, tek sytë e fëmijës shfaqen simptomat e mësipërme, sasi më të mëdha loti si edhe sklepa më shumë se zakonisht. Pra sytë e bebes do të jetë të mbyllur dhe të ngjitur. Në disa raste mund të shkaktohet edhe nga baktere apo viruse që transmetohen tek i porsalinduri në momentin  e kalimit në kanalin vaginal të nënës. Në përgjithësi mjeku përshkruan për fëmijën e porsalindur një solucion antiseptic ose me përbërje antibiotiku.

Si kurohet

Nëse kemi të bëjmë me konjuktivit tek bebet, nëna duhet të pastrojë sytë e fëmijës me ujë steril (solucion fiziologjik) për 3-4 herë në ditë derisa problem të jetë zgjidhur. Gjithashtu do të ishte shumë efektiv një masazh me gishtin tregues në zonën midis cepit të syrit dhe hundës në mënyrë që të favorizohej hapja e kanalit të lotit. Gjithashtu mund të përdoret edhe pastrimi i syve me kamomil. Në rast infektimi mjeku mund t’ju përshkruajë medikamentin e duhur me përbërje antibiotiku.

Lexoni dhe: Pse sytë e të porsalindurit janë të lëngshëm?