Në profilet e Instagramit shohim gjithmonë makina të bukura, vende interesante për t’u vizituar, flokë të krehur bukur, fytyra e trupa perfektë, shtëpi të bukura e udhëtime ëndrrash.
Por, ajo që shikojmë në media jo gjithmonë përputhet me realitetin; e vërteta është shumë larg perfeksionit që postohet.
Pra, nga një rrjet social, Instagrami po shndërrohet në një kërcënim real për shëndetin mendor dhe mirëqenien personale.
Shoqëria e imazheve (të bukura)
Instagrami është një shoqëri e bazuar në imazhe: si kur doni të flisni për veten dhe kur qëllimi është të tregoni një përvojë që po përjetoni ose ndani diçka; anëtarët komunikojnë kryesisht përmes fotografive. Në shumicën e rasteve, imazhet përzgjidhen me kujdes, modifikohen dhe trajtohen me filtra të përshtatshëm, me qëllim tërheqjen e admirimit.
Rreziqet e përsosjes me çdo kusht
Megjithatë, kjo ka edhe anët negative. Ky perfeksion me çdo kusht, i cili shpesh kufizohet me trillim, mund të jetë i dëmshëm për njerëzit, sepse i çon në një konfrontim të humbur që në fillim, duke i bërë ata të ndihen të humbur, të paaftë për të arritur një imazh të caktuar ose një mënyrë jetese të patëmetë. E gjithë kjo mund të sjellë dëshpërim dhe depresion.
Për të rinjtë është më e rrezikshme
Konfirmimi vjen nga një sondazh i kryer mbi 1,500 të rinj të Mbretërisë së Bashkuar. Autorët i pyetën se si pesë platformat e mëdha të mediave sociale (Tëitter, Facebook, YouTube, Snapchat dhe Instagram) ndikuan në jetën e tyre. Doli në pah se Instagram ka efekte negative në cilësinë e gjumit, në imazhin e trupit dhe në frikën e humbjes.
Lexo edhe: Cfare po ju shkaktojne te rinjve rrjetet sociale Instagram, Snapchat, Twitter dhe Facebook?
Për të lënë një koment ju duhet të jeni regjistruar Identifikohu