Në vitin 2006 Nikola Davidson peshonte 135 kg. Kur ajo shkoi tek mjeku  për një kontroll, u befasua nga diagnozë e papritur: diabeti i tipit 2 në fazën fillestare.

Shumë gjëra kanë ndryshuar që atëherë dhe Nikola planifikoi të ngjitej në malin Kilimanxharo për të ndihmuar në rritjen e ndërgjegjësimit për diabetin. Ajo ka ndarë me të gjithë historinë se si e ndryshoi rrjedhën e sëmundjes dhe gjithë jetës së saj.

Një diagnozë shokuese

“Mjekja ishte e shqetësuar për shëndetin tim. Unë tashmë kisha presion të lartë të gjakut dhe kolesterol të lartë, kështu që ajo donte të mbante nën vëzhgim sheqerin e gjakut gjithashtu”, shpjegon Nikola, e cila u trondit kur mësoi diagnozën e diabetit.

“E dija që mund të isha shumë e sëmurë: haja shumë, pija shumë dhe nuk po ushtrohesha fare. Por diabeti ndjehet si një sëmundje që ndodh tek njerëzit e tjerë, jo për mua. Ishte një zgjim i vrazhdë dhe i frikshëm “.

Ndryshimet jetësore me gjysmë zemre

Nikola filloi medikamente kronike dhe urdhrat e mjekes së saj ishin të thjeshta: “Duhet të bësh disa ndryshime të rëndësishme në stilin e jetesës dhe duhet t’i bësh menjëherë”.

Mjekja i rekomandoi një program të peshës së shëndetshme në Institutin e Shkencave të Sportit që Nikola e nënshkroi menjëherë.

“Unë bëra shumë mirë por pastaj u mërzita dhe u inatosa që nuk isha në gjendje të bëja gjithçka që më pëlqente, pra të haja e të pija shumë.”

Kur përfundoi programi, Nikola u kthye në zakonet e saj të vjetra. Në atë kohë, Nikola nuk ishte në dijeni se ishte e mundur të ndryshonte diabetin e tipit 2. “Nuk e dija. Mendoja se tashmë kisha diabet dhe përsa kohë do të pija ilaçet, gjithçka do të ishte mirë. ”

Ndryshimi i diabetit

Gjashtë vjetët e ardhshëm ishin “revolucionarë” për Nikolën. “Kam humbur një sasi të konsiderueshme peshe, 50 kg, gjatë një periudhe prej 18 muajsh me ndihmën e një dietologu.”

Ajo filloi në janar 2008, por e kishte rifituar të gjithë peshën deri në vitin 2011.

Në vitin 2013 ajo vendosi ta provojë përsëri. “Këtë herë gjeta një trajner personal dhe një nutritionist. Në korrik 2013 fillova të bëja zgjedhje më të shëndetshme  unë stërvitesha tri deri katër herë në javë”.

Deri në nëntor të vitit 2013, Nikola u magjeps nga sheqeri i ulët në gjaku. Ajo u kthye te mjeku i saj.

“Rezultoi se unë kisha arritur të çoja nivelin e sheqerit në gjak në një nivel normal. Ajo më hoqi medikamentet për një periudhë prove dhe deri më sot ka mbetur brenda niveleve normale, kështu që nuk më nevojitet më mjekim “.

“Unë e dija se duhet të bëja ndryshime”

“E dija se duhej të bëja ndryshime, por nuk mund të shqetësohesha”, thotë Nikola. “Gjithmonë e kam ditur se duhej të bëja diçka, por nuk dëshiroja. Më dukej përpjekje shumë e vështirë”.

Ajo thotë se problemi me diabetin qëndronte se kjo është një sëmundje e heshtur. “Përveçse më duhet të shkoj në tualet disa herë në mes të natës, kam përjetuar zero simptoma. Diabeti nuk kishte ndikim në jetën time – 99% të kohës harrova edhe që e kisha këtë sëmundje. Ndoshta po të ishte një sëmundje me më shumë simptoma, do të isha më e motivuar të bëja diçka për këtë”.

Ndryshimet e mëdha

“Para se të bëja ndryshime në stilin e jetesës, stërvitja më e madhe që kam bërë ishte të ecja nga makina ime në një bar”, thotë ajo. Sot, Nikola bën palestër çdo ditë. “Sa më shumë stërvitje që bëj, aq më shumë energji marr për të bërë sërish”.

Nikola gjithashtu bën zgjedhje më të shëndetshme të ushqyerjes duke zgjedhur proteina bimore, yndyra të shëndetshme shumë fruta e perime. “Kjo mënyrë është shumë larg ushqimeve fast food që haja jashtë. Ndihem shumë më pozitive, cilësia ime e jetës është përmirësuar ndjeshëm dhe kjo vlen për t’u festuar në vetvete “.

Të jetosh me diabet

“Mos u ndjeni shumë të sigurt thjesht sepse gjendja juaj është jo-simptomatike, thotë Nikola, duke shtuar se është e rëndësishme të merren seriozisht dhe të bëhen ndryshime serioze të jetesës me qëllim që ta kapërcejnë sëmundjen.

“Unë ia kam arritur të ndryshoj gjendjen time në më pak se pesë muaj, vetëm duke ngrënë në mënyrë të shëndetshme dhe duke u trajnuar, kështu që është e mundur. Diagnoza juaj nuk duhet të jetë një dënim me vdekje – gjithmonë ka diçka që mund të bëni për të. ”

Ç’pritet më tej?

Nicola dhe një shok i saj, Jill Prins, janë ngjitur në malin Kilimanxharo për të rritur ndërgjegjësimin për diabetin dhe sëmundjet mendore.

“Për mua kjo është një sfidë personale duke shkuar nga të qenit 100% e ulur në ngjitjen e malit më të lartë në Afrikë. Një gjë që kam mësuar në këtë udhëtim është se unë jam e aftë për shumë më tepër sesa kam menduar ndonjëherë dhe kjo është vetëm një mënyrë tjetër për t’ja provuar këtë vetes sime. Është gjithashtu një mënyrë për t’i treguar njerëzve me diabet se gjithmonë ka madhështi brenda jush; se ju keni fuqinë për të ndryshuar diagnozën tuaj dhe fatin tuaj”.

Lexo edhe: Obeziteti dhe diabeti gjate shatztanise mund te sjellin autizem tek femijet