Gripi sezonal dhe infeksionet e tjera të frymëmarrjes mund të jenë veçanërisht të rrezikshëm për pacientët që kanë probleme të veshkave, thonë studiuesit.

Një studim i ri zbuloi se sëmundjet e ngjashme me gripin mund të kontribuojnë në më shumë se 1000 vdekje në mesin e pacientëve me probleme të veshkave çdo vit. Këto sëmundje përfshijnë infeksione potencialisht serioze të traktit të frymëmarrjes të shkaktuara nga gripi dhe viruse të tjera.

Sipas autorëve të studimit, normat e vdekshmërisë në mesin e pacientëve me probleme të veshkave janë të larta dhe kanë luhatje sezonale. Përveç kësaj, ata vunë në dukje se sëmundjet e ngjashme me gripin ndikojnë në mënyrë disproporcionale tek njerëzit e prekur, si tek ata me sëmundje të veshkave duke arritur kulmin gjatë muajve të ftohtë.

Shkalla në të cilën këto sëmundje të ngjashme me gripin kontribuojnë në vdekjen e pacientëve me probleme në veshka ishte e paqartë, kështu që kërkuesit vendosën të hetojnë lidhjen.

Studimi u zgjat për 14 vite ku ekipi analizoi të dhënat për të përcaktuar sëmundjet e ngjashme me gripin dhe normat e vdekjeve nga sëmundjet në çdo tremujor të vitit. Sezoni i gripit ndodh në tremujorin e katërt të çdo viti dhe tremujorin e parë të vitit vijues.

Në tremujorin e katërt, një rritje prej 1% në sëmundjet e ngjashme me gripin u shoqërua me një rritje prej 1.5% të vdekjeve në mesin e pacientëve me problemeve të veshkave, krahasuar me normën mesatare të vdekjeve në tremujorin e tretë (gjatë verës).

Zbulimet theksojnë rëndësinë e parandalimit dhe trajtimit të sëmundjeve të ngjashme me atë të gripit në pacientët me probleme të veshkave.

“Edhe nëse sëmundjet si gripi nuk mund të jenë shkak i drejtpërdrejtë i vdekjes tek pacientët me probleme të veshkave, ato mund të kontribuojnë në shkaqe të tjera të vdekjeve, për shembull, pacientët me sëmundje të ngjashme me gripin mund të përjetojnë një gjendje inflamimi akut, infeksione të tjera ose ngjarje kardiovaskulare”, shpjegoi autori i këtij studimi.

Lexo edhe: Si ta parandaloj perhapjen e gripit ne familje?