Nënat mbartin një ngarkesë të rëndë mendore. Kujdesi ndaj familjes shpesh nënkupton përplasje detyrash, projektesh, oraresh nga më të ndryshmet.
A është çudi që, ndërsa ditët tuaja janë të mbushura me takime tek mjeku për fëmijët apo blerjen e ilaçeve, të harroni të shkoni vetë tek mjeku?
A ju ka ndodhur që vizitat tuaja të mos jenë fare pjesë e axhendës vjetore?
Sipas një studimi të kohëve të fundit, rezulton se 45% e grave mbi 30 vjeç nuk gjejnë kohë për shëndetin e tyre, pjesërisht për shkak se janë të zëna me menaxhimin e të tjerëve.
Rezultatet e sondazhit tregojnë se sa më e retë jetë një grua, aq më pak ka gjasa që të kontrollohet te mjeku. Nënat në të 30-at e tyre kanë 10% më pak gjasa të shkojnë te mjeku se ato më të mëdhaja dhe kanë 10% më shumë gjasa të vënë fëmijët përpara vetes së tyre.
“Ne e dimë se kontrollet mjekësore parandaluese në shumë raste shpëtojnë jetë”,- thotë Battaglino autorja kryesore e studimit. Ajo shtoi se kur kontrollojmë shëndetin tonë dhe sigurojmë se jemi mirë, do të vazhdojmë të kujdesemi më shumë për familjet tona ashtu siç dëshirojmë.
Për Battaglinon, është e trishtueshme të shohësh se 83% e grave thonë se janë të lumtura që po menaxhojnë shëndetin e familjes së tyre, kur 66% thonë se mendojnë shumë pak për shëndetin e tyre.
“Le të jemi të sinqertë, ne kurrë nuk do të vëmë veten para fëmijëve, por të paktën ta vendosim veten në vend të dytë ose të tretë”, – tha Battaglino.
Lënia e takimit tek mjeku, të paktën dy herë në vit mund të jetë vetëm një detyrë më shumë për t’i vënë vetes sot, por sapo ta bëni kjo do të lehtësojë shumë ngarkesën tuaj mendore.
Dhe nëse kjo parandalon një emergjencë shëndetësore të ardhshme, patjetër do të pakësojë ngarkesën për ata që duam. Ndonjëherë, mënyra më e mirë për t’u kujdesur për të tjerët është të kujdesemi për veten.
Lexo edhe: Keshilla me vlefshme qe mora nga nena ime pas lindjes
Sorry, there are no polls available at the moment.')}
Për të lënë një koment ju duhet të jeni regjistruar Identifikohu