Shumë prej nesh ndoshta kanë thënë se një fëmijë nuk do të ndryshojë kurrë jetën tonë, por në të vërtetë nuk ka qënë kështu.

Cilat janë ato gjëra që një nënë ka shprehur se nuk do t’i bëjë pas lindjes por që në të vërtetë i bën në përditshmëri?

• Nuk do të ushqej asnjëherë në publik. Por a ka më të rëndësishme se ushqyerja e fëmijës dhe stabilizimi i gjidhënies?
• Nuk do të dal asnjëherë me tuta nga shtëpia. Megjithatë do të ndodhë pasi nëna e re do ta ketë të vështirë të gjejë vazhdimisht kohën të rregullohet dhe vishet elegante.
• Unë nuk do të shkoj asnjëherë vonë diku. Por me një bebe është gati e pamundur edhe nëse filloni të bëheni gati 2 orë më parë.
• Fëmijën tim nuk do ta detyroj të hajë kur nuk do. E megjithatë kush është ajo që nuk e ka bërë kur ai ka refuzuar vazhdimisht?
• Fëmija im nuk do të flejë asnjëherë në krevatin tim. Megjithatë është e rëndësishme që të plotësohen edhe nevojat e fëmijës, dhe ai do të dojë të qëndrojë pranë jush.
• Unë do të vazhdoj të dal me shoqet e mia. Por jo vetëm ju nuk do të gjeni kohën ta bëni vazhdimisht, edhe miket tuaja nuk do të kenë ndonjëherë mundësi të dalin në vendet apo oraret që ju doni dhe që i përshtaten fëmijës.
• Nuk do të blej shumë lodra. E më pas shtëpia kthehet në një dyqan lodrash.
• Nuk do të stresohem kot. Por shpesh lodhja bën të sajën dhe ju do të gjeni veten shpesh në situate stresuese.
• Nuk do të debatoj me bashkëshortin për fëmijën. Megjithatë shesh debati mund të lindë edhe për një gjë fare pa rëndësi.
• Unë nuk do të flas vetëm për fëmijën tim. Por tashmë është e pamundur të mos flisni vetëm për fëmijën tuaj.

Po ju të dashura nëna, keni një veprim të caktuar që mendonit se nuk do ta bënit asnjëherë por që e bëni në vazhdimësi?

')}