Foto të rralla, gruaja lind në korridorin e spitalit

Pamjet dramatike tregojnë se si nëna e 6 fëmijëve e sjell në jetë fëmijën e saj të fundit në korridorin e spitalit ku kishte mbërritur me urgjencë, pasi e kishin nisur dhimbjet e lindjes.

Jesica Hogan, nga Riley, Kansas e lindi fëmijën e saj të gjashtë, djalin Max në qershor të vitit të shkuar, por vetëm tani vendosi të flasë për momentet dramatike të ardhjes së tij në jetë, përmes një videoje dhe fotove të publikuara nga fotografi i saj Tammy Karin.

Nëna që ishte shtruar në spitalin “Via Christi Hospital” në Manhattan nuk kishte mundur as të shtrihej në krevat, pasi fëmija kishte ardhur shumë shpejt dhe kishte lindur në korridorin e spitalit.

“Kam qëndruar zgjuar deri në orën 2 të mëngjesit. Dhe rrugës kur po shkoja në spital i thashë bashkëshortit se isha duke lindur, foshnja ishte shumë pranë. Por rezistova dhe shkova me shumë dhimbje në spital. Mes kontrakioneve të mëdha munda të futem me shpejtësi në urgjencë, dhe nisa të hiqja pantallonat e mia pasi fillova të ndieja kokën e tij në dorën time. Pashë burrin tim dhe i thashë, ‘Travis kape atë!’. Pa asnjë hezitim ai bëri pikërisht atë gjë, ndërkohë unë ndieja trupin tim të shtynte në mënyrë të pavullentshme kokën e tij”, shtoi Jessica.

Infermieret arritën shumë shpejt dhe e ndihmuan për ta zhvilluar këtë lindje të pazakontë në korridorin e spitalit.

“Mjaftoi vetëm një shtytje e fortë, sipas udhëzimeve të infermierëve dhe pas kësaj fëmija lindi. Pavarësisht se lindja e shpejtë “e lodhi” paksa vogëlushin tonë, ai tashmë është shëruar dhe është duke ecur shumë mirë”, tha Jesica.