Kjo është historia e një nëne e cila ashtu si të gjitha nënat, u ndodh para kapriçiove të fëmijës të saj, që nuk është pak të thuash e vuri në siklet!

Ajo është një nënë amerikane dhe kërkon që këtë eksperiencë ta ndajë me të gjithë nënat e tjera

Vajza ime ishte duke bërë kapriçion më të madhe të gjithë jetës së saj ndërsa isha duke bërë shopping tek dyqani TJ Maxx, i cili njihet për veshjet e firmave më të njohura në mbarë botën. Padyshim që të gjitha truket e prindërve të tjerë që ndodheshin aty pranë rezultuan të ishin të kota. Zemra ime rrihte fort dhe njëkohësisht përpiqesha të mos e humbja durimin. U përpoqa të shkoja me të në tualet por e shikoja që ajo bëhej edhe më keq. Kështu qëndroja atje duke parë njerëzit teksa iknin dhe vinin, përpiqeshin të bënin diçka e në fund thjesht komentonin diçka nëpër dhëmbë. Unë padyshim i kuptoja të gjitha dhe koka ime dukej se po ndahej në dysh! Situata po dilte “jashtë” kontrollit!

Mendoja brenda vetes se të gjithë në atë moment ishin duke gjykuar se çfarë fëmije kisha rritur dhe edukuar. Në atë moment më afrohet një zonjë e moshuar dhe më qeshi duke më mbështetur supet si për të më dhënë forcën e botës dhe ndërkohë më tha se isha duke vepruar ashtu siç duhej dhe se isha nëna më e mirë në botë! U largova pak pasi nuk doja të shihte lotët e mi teksa binin sipër faqeve të mia. Sepse edhe pse për ju mund të duket pa ndonjë rëndësi të madhe, për mua ato fjalë ishin tepër me vlerë. Kisha shumë nevojë ti dëgjoja sepse unë nuk e dija nëse isha duke bërë gjënë e duhur!

Unë mendoja vetëm se kisha dështuar dhe kisha një vajzë jashtë kontrollit! Në fund ishim atje të dyja duke qarë! Por si për magji vajza ime pushoi dhe u qetësua duke bërë të mundur që të bëmin të qeta shopping. Unë shpresoja të shikoja sërish atë zonjën dhe ta falenderoja pafund por nuk e gjeta, ishte larguar!

Shpesh nuk gjejmë fjalët e duhura për t’ja thënë dikujt në një moment të vështirë, por nuk e dimë se ndonjëherë edhe fjalët më të thjeshta mund të bëhen lehtësim për dikë, njësoj si zonja e moshuar brenda atij dyqani veshjesh. Një buzëqeshje dhe një fjalë e mirë mund të të çojnë më larg nga sa e mendon!

 

Tregoni historinë tuaj për të frymëzuar nënat!

E dergoni historine tuaj ne [email protected]

')}