Një nënë dhe tre fëmijët e saj u sulmuan nga bullisti i djalit të saj, i cili më parë kishte sharë për racën djalin. Sulmuesi 13-vjeçar është arrestuar që nga ajo kohë. Më 19 qershor, Beronica Ruiz rikujton se po shkonte në shtëpi nga shkolla në Passaic të Nju Xhersit me djemtë e saj 12 dhe 8 vjeç dhe shtynte djalin e saj 1-vjeçar në një karrocë fëmijësh kur kuptoi se po e ndiqnin tre djem të tjerë.
Megjithëse Ruiz nuk e mban mend sulmin, bijtë e saj e vëzhguan ndërsa e rrihnin pa vetëdije. Djali i saj 12-vjeçar gjithashtu u lëndua, por Ruiz pësoi shumicën e lëndimeve. Sulmuesi i ri shkaktoi një thyerje dhe në fytyrën e nënës, si dhe një tronditje.
“Jeta ime ndryshoi në një sekondë”, tha Ruiz. “Sepse tani nuk ndjehem e sigurt në asnjë vend.”
Sulmuesi dhe djali 12-vjeçar i Ruiz-it kishin një incident në shkollë një ditë më parë në drekë. Burri i Ruizit thotë se shokët e klasës së djalit të tij pohuan se “të gjithë meksikanët duhet të jenë pas murit.” 12-vjeçari u kërcënua me dhunë.
12-vjeçari kërkoi ndihmë nga një mësues dhe u vendos në një dhomë të veçantë për pjesën e mbetur të ditës, por administratorët e shkollës nuk i vunë në dijeni prindërit e tij. Pasi djali u tha prindërve se çka ndodhi, ata folën me zyrtarët e shkollës. Zëvendësdrejtori kërkoi falje, por u siguroi atyre se situata ishte e qetë. Disa orë më vonë, familja u sulmua.
13-vjeçari është akuzuar për sulm, por Ruiz dhe familja e saj mendojnë se ky duhet të merret si një krim i urrejtjes.
Distrikti shkollor nuk do të komentojë publikisht, por avokati i familjes, Daniel Santiago, shpreson se do të njohin gabimet e tyre. “Ne i dërgojmë fëmijët tanë në shkollë me qëllim që ata të jenë të sigurt,” tha ai. “Ajo që është e tmerrshme për këtë rast është se shkolla ishte në dijeni të incidentit”.
Lexo edhe: Kush e ka fajin që fëmijët përdorin dhunë?
Për të lënë një koment ju duhet të jeni regjistruar Identifikohu