Pse duhet të qeshim sa më shumë?
E qeshura të bën mirë për zemrën dhe për shëndetin. Sipas studiuesve, një e qeshur e fortë jo vetëm stimulon endorfinën, substanca kimike që prodhohet nga truri, por ndihmon edhe që trupi të qetësohet. Veç kësaj, shtimi i fluksit të gjakut, është një aleat i fuqishëm në luftën kundër sëmundjeve kardiake.
Por jo vetëm, stimulon gjumin, dhuron rini, është një ushtrim fizik për muskujt e fytyrës, barkun dhe kraharorin. Nxit kreativitetin dhe na bën më tërheqës. Me pak fjalë: e qeshura përmirëson dhe zgjat jetën, një arsye shumë e mirë për ta bërë sa më shpesh dhe më zë të lartë. Ndoshta jo të gjithë e dinë, por sipas studimeve të kohëve të fundit e qeshura i bën fëmijët edhe më të zgjuar.
Fëmijët e qeshur janë më të mençur
Është një studim specifik që është bërë nga Jennifer Delgado. Eksperimenti përfshinte rreth 53 fëmijë dhe zgjati një vit e gjysëm. Qëllimi për këta fëmijë të cilët ishin pjesë e studimit ishte për të kuptuar se çfarë lidhje ka e qeshura me të qenit i mençur. Sipas një studimi tjetër thuhet se sarkazama dhe inteligjenca kanë lidhje të drejtpërdrejta me njëra-tjetrën.
Fëmijët që bëjnë ironi janë më të zgjuar. Si është e mundur?
Kur ata përdorin ironi e bëjnë trurin të mendojnë përtej kuptimit të parë. Sidomos e qeshura dhe shakaja e forcojnë atë në të njëjtën kohë. Kjo tregon se ata që qeshin me një frekuencë të lartë kanë një aktivitet më të madh neurologjik. Sipas disa statistikave, fëmijët mesatarisht qeshin 300 herë në ditë. Kurse tek të rriturit ky numër ulet në mënyrë drastike. Ata qeshin vetëm 20 herë në ditë. Ndoshta për shkak të shqetësimeve të përditshme dhe përgjegjësive të shumta që kanë.
Lexo edhe:5 arsye qe tregojne pse e qeshura permireson shendetin tuaj
')}
Për të lënë një koment ju duhet të jeni regjistruar Identifikohu