Për gratë që kanë më shumë shtatëzani rreziku i zhvillimit të kancerit të gjirit është zvogëluar me 50% krahasuar me ato që kanë vetëm një fëmijë dhe janë bartëse të mutacionit BRCA1. Kjo del nga një studim i shkollës së Shëndetit Publik të Universitetit Columbia.

Më pak rrezik edhe nëse jeni të predispozuar

Rreziku i kancerit të gjirit për bartësit e BRCA1 dhe BRCA2 është më i madh, por shtatzënitë e shumta dhe ushqyerja me gji mund ta zvogëlojnë këtë predispozitë: për gratë me mutacion BRCA1, rreziku reduktohet me 21% në rastin e 2 shtatzanive, 30% në rastin e 3 shtatzanive dhe 50% në rastin e 4 të tilalve. Për gratë bartëse të mutacionit BRCA2, nga ana tjetër, ekspertët nuk treguan një ulje të rrezikut përveç në rastin e 4 ose më shumë shtatëzanive.

Roli i hormoneve

Ekspertët shpjegojnë se ndërprerja hormonale e lidhur me shtatzëninë e parë mund të ketë një ndikim pak a shumë të rëndësishëm në rrezikun e kancerit të gjirit në varësi të moshës së konceptimit.

Vezoret

Kanceri i gjirit dhe kanceri i vezoreve të shkaktuara nga mutacione gjenetike BRCA 1 dhe 2, të njohur edhe si “mutacion i Jolie”, kanë 50% shanse të transmetohen nga të dy prindërit tek fëmijët, si djemtë ashtu edhe vajzat. Testet e BRCA janë një mjet i vlefshëm për të identifikuar praninë e çdo situate me rrezik të lartë gjenetik te gratë me kancer të gjirit ose të vezoreve dhe te gratë e reja të shëndetshme.

Ta dini!

Testi BRCA mund të kryhet në dy mënyra: i pari përbëhet nga një mostër gjaku, së dyti me analizën e indeve të tumorit.

Lexo edhe: Ushqyerja me gji shpeton jete