Ushqyerja me gji mund të shmangë 823,000 vdekje të fëmijëve çdo vit dhe të parandalojë 20 vdekje të nënave nga kanceri i gjirit.
Ushqyerja me gji u shpëton jetën e nënave duke i mbrojtur nga kanceri i gjirit
Një studim i ri i publikuar në revistën “Lancet” tregon se ushqyerja me gji mund të shmangë çdo vit vdekjen e 823 mijë fëmijëve nën moshën 5 vjeç dhe 20 mijë vdekje të grave nga kanceri i gjirit.
Përfitimet e ushqyerjes me gji
Çfarë është ushqyerja me gji dhe si ndikon gjidhënia në shëndetin e nënës dhe të fëmijës?
Eshtë një praktikë ushqyerje dhe jo vetëm. Shumë e dobishme për fëmijët, ku nëpërmjet qumështit të nënës ata marrin vlerat e nevojshme ushqimore dhe i ndihmon për zhvillimin e tyre psikologjik por gjithashtu u forcon sistemin imunitar.
Por nuk mund të nënvlerësohet edhe kontakti fizik që fëmija siguron me nënën gjatë ushqyerjes me gji. Ushqyerja me gji jo vetëm që është e mirë për foshnjen, por edhe për nënën. Zvogëlon rrezikun e zhvillimit të sëmundjeve të ndryshme siç është kanceri i gjirit.
Rezultatet e studimit
Sa i përket përfitimeve për fëmijët, studimi i publikuar thekson se ushqyerja me gji mbron nga infeksionet që mund të shfaqen në moshë të re. Gjithashtu të mbron nga defektet e mbylljes së gojës dhe nga rreziku i zhvillimit të obezitetit dhe sëmundjeve të tilla si diabeti. Dhe sa i përket inteligjencës zhvillohet më shumë.
Ushqyerja me gji luan një rol të rëndësishëm në zhvillimin e kancerit të gjirit dhe gjithashtu e mbron gruan nga kanceri ovarian dhe diabeti i tipit 2.
Ende shumë pak nëna që ushqejnë gji
Megjithatë, përkundër këtyre përfitimeve të dëshmuara shkencërisht, fëmijët që ushqehen me gji deri në gjashtë muaj janë rreth 25% në vendet e zhvilluara (në Francë vetëm 23% e nënave shkojnë përtej tre muajve, në Spanjë 35%, në Holandë 33%) dhe 37% në vendet në zhvillim. Sipas OBSH mund të jemi të kënaqur nëse brenda 2025 ushqyerja me gji e foshnjave arrin të paktën 50% në nivel global.
“Suksesi apo dështimi i ushqyerjes me gji nuk duhet të shihet vetëm si përgjegjësi e gruas”, shpjegon bashkëautorja Nigel Rollins i “Departamentit të Shëndetit të Nënës”. Aftësia e grave për të ushqyer me gji varet shumë nga mbështetja që marrin nga mjedisi në të cilin jetojnë. Ekziston gjithashtu një përgjegjësi e jashtme e qeverive dhe shoqërisë për të ofruar ndihmën e duhur përmes politikave dhe programeve të përshtatshme.
Lexo edhe: Ushqyerja me gji dhe medikamentet
Sorry, there are no polls available at the moment.
')}
Për të lënë një koment ju duhet të jeni regjistruar Identifikohu