Ndërsa numri i rasteve të konfirmuara të fruthit në Shtetet e Bashkuara arrin në nivele shumë të larta, tashmë as spitalet nuk janë më vende plotësisht të sigurta nga sëmundja infektive. Të mërkurën, Universiteti i Kalifornisë njoftoi se mbi 200 pacientë në sallën e urgjencës mund të kenë qenë të ekspozuar ndaj fruthit në sajë të një vajze shtatëvjeçare të pavaksinuar.
Sipas Departamentit të Shëndetit të Qarkut Calaveras, vajza e re u infektua gjatë një udhëtimi jashtë shtetit. Ajo mbërriti në dhomën emergjente më 17 mars, por nuk u diagnostikua me fruth deri më 19 mars, potencialisht duke ekspozuar rrezikun e infektimit përpacientëte tjerë ndërkohë.
Dr. Dean Blumberg, shefi i sëmundjeve infektive pediatrike në Spitalin e Fëmijëve UC Davis shpjegoi se incidenti është një provë për të kuptuar se sa e vështirë është të diagnostikosh dhe të mbrohemi kundër fruthit, veçanërisht kur lëvizja antivaksinim është kaq e përhapur.
“Shumica e rasteve të fruthit ndodhin 8 deri në 12 ditë pas ekspozimit, por mund të ndodhë deri në tre javë pas ekspozimit”, tha ai. “Edhe individët e vaksinuar mund të marrin fruthin sepse vaksina nuk është 100 për qind e përkryer. Ne kemi nevojë për një normë shumë të lartë të vaksinimit, sepse kur fruthi është futur tek komunitetet që kanë prindër që nuk imunizojnë fëmijët e tyre, këto raste mund të ndodhin”.
Lexo edhe: Si ta mbroj femijen nga fruthi pa e vaksinuar?
Për të lënë një koment ju duhet të jeni regjistruar Identifikohu