Joshua Nerius është prova e gjallë se sa i rrezikshëm mund të jetë qëndrimi kundër vaksinave. Që fëmijë ai kurrë nuk kishte bërë asnjë vaksinë dhe në moshë të rritur, 27 vjeç, kjo gjë e dëmtoi shumë. Tani Joshua dëshiron që historia e tij të shërbejë si mesazh për të gjithë prindërit për sa i përket rëndësisë së vaksinave në parandalimin e sëmundjeve ngjitëse dhe shpëtimit të jetës së fëmijëve.
“Kjo më zemëron kaq shumë,” tha Nerius në një intervistë me CNN. “Prindërit e mi mendonin se po bënin gjënë e duhur. Ata ishin të bindur në mendimet e tyre kundër vaksinave”.
Ai u diagnostikua me fruth në maj të vitit 2016, pasi kishte pasur kontakt me dikë që ishte ngjitës në diplomimin e kolegjit të motrës së tij.
Duke e përshkruar sëmundjen si “të tmerrshme”, Nerius tha se “mori një barrë serioze” në trupin e tij (ai humbi shumë kilogramë dhe në rastin më të keq, nuk mund të ecte pa ndihmë). Më pas ai shpjegoi se gjithçka mund të ishte parandaluar nëse nëna e tij do ta kishte vaksinuar në moshë të vogël dhe se nuk e kupton si ka ende prindër që refuzojnë vaksinimet, pavarësisht nga të gjitha dëshmitë që provojnë aftësitë e tyre për të shpëtuar jetën.
“Shkenca për këtë është,” tha ai gjatë intervistës. “Është zgjidhur. Kur e shikoj se ku ndodhemi sot, me njerëz që me dashje po vendosin të injorojnë faktet, kjo me të vërtetë më frustron. Unë thjesht nuk e kuptoj mendësinë e njerëzve që duan të përhapin frikë “.
Nerius nuk është fëmija i vetëm i prindërve anti-vaksina që po flet.
“Debati rreth vaksinave nuk është domosdoshmërisht i përqendruar rreth informatave dhe shqetësimeve për shëndetin dhe sigurinë, prandaj arsimi është kaq i rëndësishëm, dhe gjithashtu pse keqinformimi është kaq i rrezikshëm”, – është shprehur një djalë që është vaksinuar në moshën 18-vjeçare kundër vullnetit të nëns së tij.
Lexo edhe: Vaksina kunder fruthit ka shpetuar me shume se 20 milion jete
Për të lënë një koment ju duhet të jeni regjistruar Identifikohu