Dieta mesdhetare ka përfitime të shumta gjatë shtatzënisë, në saje të cilësisë së ushqimit që përmban. Kjo diete përmban disa ushqime që nuk duhet të mungojnë kurrë në tryezë sidomos kur je shtatzënë.
Ndër produktet tipike të dietës së Mesdheut të rekomanduara në shtatzani janë:
- Drithërat dhe makaronat;
- Frutat;
- Bishtajat;
- Vaj ulliri ekstra i virgjër;
- Mish të bardhë dhe peshk.
Edhe konsumimi i moderuar i produkteve të qumështit dhe i vezëve mund të parandalojnë rrezikun e mangësive, të cilat janë të rrezikshme për nënën dhe fetusin. Prandaj është e mirë të ndiqni një dietë sa më të larmishme dhe të plotë duke konsumuar produktet sezonale. Përveç se duhet të zgjidhni ushqime të mira për shëndetin tuaj dhe të fetusit duhet të jeni të kujdesshëm t’i konsumoni ato në mënyrë të drejtë.
Për këtë arsye një dietë mesdhetare gjatë shtatzënisë është zgjidhja më e mirë, sepse ajo përfshin pesë vakte në ditë. Tre kryesore – mëngjes, drekë dhe darkë – dhe dy vakt të lehta ndërmjet tyre në mënyrë që të bëhet një shpërndarje e drejtë e kalorive.
Duhet të hani çdo ditë të paktën tre fruta dhe perime që të merrni sasinë e duhur të vitaminave dhe mineraleve. Duhet të alternoni edhe konsumimin e mishit, peshkut, vezës, bishtajave dhe produkteve të qumështit në mënyrë që të siguroni proteinat.
Edhe konsumimi i makaronave është një ushqim i dietës mesdhetare. Në krahasim me orizin dhe bukën ka një indeks më të ulët të glicemisë dhe është një burim i shkëlqyer i energjisë. Një dietë mesdhetare nëse ndiqet siç duhet mund të nxisë energjinë që i nevojitet trupit dhe siguron një shëndet të mirë për nënën dhe fetusin.
Lexo edhe: A ndikon dieta e pasur me proteina ne fertilitet?
Sorry, there are no polls available at the moment.')}
Për të lënë një koment ju duhet të jeni regjistruar Identifikohu