Çfarë është fruthi dhe si merret?

“Fruthi është një infeksion viral shumë ngjitës”, thotë Irfan Hafiz, një specialist i sëmundjes infektive dhe shefi i informacionit mjekësor të rajonit veriperëndimor të Mjekësisë Veriperëndimore. “Simptomat përfshijnë ethe, dobësi, kollë dhe sy të irrituar, të pasuara nga një skuqje”.

Është shumë ngjitëse sepse përhapet thjesht nëpërmjet frymëmarrjes në ajër të një personi të infektuar. “Sëmundja përhapet kryesisht nëpërmjet ajrit, i cili pastaj kalon në frymëmarrje nga një person jo i imunizuar”, thotë Dr. Hafiz.

Çfarë po ndodh me shpërthimet e fundit të fruthit?

Për ata që nuk i ka kapur ndonjëherë, fruthi është një sëmundje e parandalueshme nga vaksina. “Vaksina u prezantua për herë të parë në vitet 1960 së bashku me vaksinën e shytave dhe rubeolës për të bërë vaksinën MMR (fruthi, shytat, rubeola)”, shpjegon Dr. Hafiz. “Miratimi i gjerë i vaksinës MMR çoi shpejt në një rënie graduale të fruthit.  Numri i madh i personave të vaksinuar në komunitet çoi në eliminimin pothuajse të plotë të sëmundjeve në rajonet më të zhvilluara të botës “. Para vaksinës, në Shtetet e Bashkuara, çdo vit, rreth 4 milion njerëz prekeshin nga fruthi.

Zyrtarët e shëndetësisë thonë se ripërhapja e fruthit është për shkak të prindërve që lënë mënjanë vaksinën për fëmijët e tyre. Vitet e fundit, më pak se 90% e fëmijëve po vaksinohen.

“Rënia e normave të vaksinimit ka kontribuar në shpërthimet e fruthit në vendet e zhvilluara,” thotë Dr. Hafiz. “Për herë të parë që nga futja e vaksinës, ne po shohim rritje të shkallës së sëmundjes në disa komunitete”.

Nëse tashmë jeni vaksinuar për fruthin, a mund ta merrni akoma sëmundjen?

“Vaksinimi në mënyrë dramatike zvogëlon gjasat për t’u sëmurur”, –  thotë Dr. Hafiz. Megjithatë, është e mundur, edhe pse jashtëzakonisht e rrallë, që të mund të merrni fruthin pasi të jeni vaksinuar, kjo mund të ndodhë në rreth 3/100 e njerëzve .

Por edhe nëse ju prekeni nga fruthi pasi jeni vaksinuar, sëmundja nuk do të veprojë fort tek ju. “Pacientët mund të marrin fruthin, por një formë më të butë,” thotë Dr. Hafiz, dhe ju do të jeni ende ngjitës, kështu që mund ta përhapni atë tek pacientë të tjerë jo-imunë, shton ai.

A duhet të bëni vaksinën e fruthit edhe nëse jeni rritur?

Nuk është tepër vonë për t’u vaksinuar për fruthin. Udhëzimet rekomandojnë dy doza të vaksinës MMR, me dozën e parë në moshën 12 deri në 15 muaj dhe të dytin në moshën 4-6 vjeç. Por të rriturit që nuk janë vaksinuar duhet të marrin të paktën një dozë.

Lexo edhe: Rritje e frikshme e rasteve te prekur nga fruthi, shkak mosvaksinimi

Sorry, there are no polls available at the moment.