X

Kryesore

Çfarë ndodh nëse hani të paktën një vakt të gjithë si familje?

 

Ngrënia në familje, ushqyerja më e shëndetshme! Ky është përfundimi i arritur nga studiuesit e Universitetit të Guelph të Kanadasë pas një studimi mbi zakonet e të ngrënit. Sipas këtij hulumtimi, ngrënia e drekës dhe e darkës me prindërit, vëllezërit dhe motrat nxit një dietë më të saktë dhe të shëndetshme për të gjithë, madje edhe për fëmijët, sepse rrit konsumin e frutave dhe perimeve, duke reduktuar atë të “ushqimeve të çastit”.

2.700 të rinj të përfshirë

Ky është kampioni i analizuar, i cili ka jetuar në Shtetet e Bashkuara në familje me prindërit, përmes një pyetësori që hulumtoi zakonet e të ngrënit. Për shembull, ata u pyetën se sa shpesh ishin ulur në tavolinë me prindërit e tyre dhe rreth konsumit të frutave, perimeve, pijeve të gazuara dhe ushqimit të shpejtë. Përmes një pyetësori u vlerësua edhe “funksionaliteti familjar”, përkatësisht shkalla e harmonisë brenda familjes, lloji i komunikimit ndërmjet anëtarëve të familjes, lidhjet e tyre dhe përfshirja afektive, mënyra se si familja zgjidhte problemet dhe kontrollonte sjelljen, për të vlerësuar se sa kjo mund të ndikojë në zakonet e të ngrënit.

Më shumë fruta dhe perime dhe më pak ushqim jo i shëndetshëm

Nga analiza e rezultateve doli se kur në familje ekziston zakoni i mbledhjes së bashku në tryezë, adoleshentët hanë më shumë fruta dhe perime dhe më pak ushqim të shpejtë; meshkujt, në veçanti, pijnë më pak pije të gazuara. Ngrënia së bashku si familje, madje vetëm një herë në ditë, është gjithashtu e rëndësishme, sepse është një kohë për dialog dhe ndarje e gjërave të së përditshmes. Së fundi, përfundon Kathryn Walton, në mesin e autorëve të hulumtimit, “lidhjet familjare mund të forcohen dhe zakonet e shëndetshme të ngrënies mund të përcaktohen”.

Adoleshenca është një moshë vendimtare edhe nga këndvështrimi i ushqimit sepse fëmijët kanë tendencë të hanë keq dhe të marrin yndyrë.

Lexo edhe: Ne nje jete kaq intensive familja ime ka gjetur menyren per te mbajtur te forte lidhjen mes nesh

Comments

comments

Me shume ne: familja, Nje guide e pergjithshme, slider
hernia e kerthizes, kerthiza tek te sapolindurit
Çfarë është hernia e kërthizës dhe si duhet vepruar?

  Hernia e kërthizës tek të sapolindurit shfaqet si një ënjtje që vihet re në nivelin e kërthizës. Prek 10...

Close