Antibiotikët janë ilaçe të fuqishme të mbrojtjes kundër infeksioneve bakteriale. Megjithatë, ato nganjëherë mund të shkaktojnë efekte anësore, të tilla si diarre dhe dëmtime të mëlçisë. Disa ushqime mund të zvogëlojnë këto efekte anësore, ndërsa disa të tjera mund t’i përkeqësojnë. Ky artikull shpjegon se çfarë duhet dhe nuk duhet të hani gjatë dhe pas antibiotikëve.
Çfarë janë antibiotikët?
Antibiotikët janë ilaçe që përdoren për të trajtuar infeksionet bakteriale. Ata punojnë duke ndaluar infeksionin ose duke mos e përhapur atë. Ka lloje të ndryshme të antibiotikëve. Disa veprojnë në një gamë të gjerë të baktereve që shkaktojnë sëmundje. Të tjerët vrasin vetëm disa lloje specifike bakteresh. Antibiotikët janë shumë të rëndësishëm dhe efektivë në trajtimin e infeksioneve serioze. Megjithatë, ata mund të kenë disa efekte anësore negative. Për shembull, përdorimi i tepërt i tyre mund të dëmtojë mëlçinë. Një studim ka treguar se antibiotikët janë ilaçet më të zakonshme që shkaktojnë dëmtime të mëlçisë. Antibiotikët gjithashtu mund të kenë efekte negative në triliona baktere dhe mikrobe të tjera që jetojnë në zorrë. Këto baktere janë të njohur si microbiota gut. Përveç vrasjes së baktereve që shkaktojnë sëmundje, antibiotikët mund të vrasin edhe bakteret e shëndetshme. Në fakt, trajtimi me antibiotikë vetëm një javë mund të ndryshojë përbërjen e microbiota të zorrëve deri në një vit. Disa studime kanë treguar se ndryshimet në mikrobiotën e zorrëve mund të rrisin rrezikun e shtimit të peshës dhe obezitetit. Për më tepër, përdorimi i tepruar i antibiotikëve mund të çojë në rezistencë antibiotike, duke i bërë ato të paefektshme në vrasjen e baktereve që shkaktojnë sëmundje . Së fundmi, duke ndryshuar llojet e baktereve që jetojnë në zorrë, antibiotikët mund të shkaktojnë efekte anësore të zorrëve, duke përfshirë diarre.
PËRMBLEDHJE: Antibiotikët janë të rëndësishëm për trajtimin e infeksioneve. Sidoqoftë, nëse janë të tepërt, ata mund të shkaktojnë ndryshime afatgjata në bakteret e shëndetshme të zorrëve dhe të kontribuojnë në dëmtimin e mëlçisë.
Merrni probiotikë gjatë dhe pas trajtimit
Për fat të mirë, një numër studimesh kanë treguar se marrja e probiotikëve ose bakteret e shëndetshme mund të zvogëlojë rrezikun e diarresë së shkaktuar nga antibiotikët . Një rishikim i 23 studimeve ku janë përfshirë gati 400 fëmijë zbuloi se marrja e probiotikëve në të njëjtën kohë me antibiotikët, mund të zvogëlojë rrezikun e diarresë me më shumë se 50%. Një tjetër studim gjeti rezultate të ngjashme tek të rriturit, si dhe fëmijët. Këto studime treguan se Lactobacilli dhe Saccharomyces ishin më efektive.
Megjithatë, duke qenë se probiotikët janë gjithashtu baktere, ata mund të vriten nga antibiotikët nëse merren së bashku. Kështu, është e rëndësishme që t’i merrni disa orë larg njëra-tjetrës. Probiotikët gjithashtu duhet të merren pas një kure antibiotikësh për të rikthyer disa nga bakteret e shëndetshme që mund të jenë vrarë në zorrë.
PËRMBLEDHJE: Marrja e probiotikëve gjatë trajtimit me antibiotikë mund të zvogëlojë rrezikun e diarresë, edhe pse duhet të merren disa orë larg. Probiotikët gjithashtu mund të ndihmojnë në rikthimin e baktereve të zorrëve pas trajtimit me antibiotikë.
Hani ushqime të fermentuara
Disa ushqime gjithashtu mund të ndihmojnë në rikthimin e baktereve pas dëmtimit të shkaktuar nga antibiotikët. Ushqimet e fermentuara prodhohen nga mikrobet dhe përfshijnë ndër të tjera, kos, djathë, patate të skuqura etj. Ato përmbajnë një sasi konsiderueshme të baktereve të shëndetshme, të tilla si Lactobacilli. Studimet kanë treguar se njerëzit që hanë kos ose qumësht të fermentuar kanë sasi më të larta të Lactobacillit në zorrët e tyre dhe sasi më të ulëta të baktereve që shkaktojnë sëmundje, të tilla si Enterobacteria dhe Bilophila wadsworthia .Studime të tjera kanë zbuluar gjithashtu se ushqimet e fermentuara mund të jenë të dobishme gjatë trajtimit antibiotik, pasi ulin shanset për diarre.
PËRMBLEDHJE: Ushqimet e fermentuara përmbajnë baktere të shëndetshme, përfshirë Lactobacillit, të cilat mund të ndihmojnë në rikthimin e mikrobiotës së dëmtuar nga antibiotikët. Kosi gjithashtu mund të zvogëlojë rrezikun e diarresë nga antibiotikët.
Hani ushqime të pasura me fibra
Fibrat mund të treten nga bakteret e zorrëve, gjë që ndihmon në stimulimin e rritjes së tyre. Si rezultat, fibrat mund të ndihmojnë në rikthimin e baktereve të shëndetshme të zorrëve pas një kure antibiotikësh.
Ushqime që përmbajnë fibra:
- Drithërat
- Arrat
- Farërat
- Fasulet
- Thjerrëzat
- Manat
- Brokoli
- Bizelet
- Bananet
Studimet kanë treguar se këto ushqime nuk janë vetëm në gjendje të stimulojnë rritjen e baktereve të shëndetshme në zorrë, por gjithashtu mund të zvogëlojnë rritjen e disa baktereve të dëmshme.
Sidoqoftë, këto ushqime mund të ngadalësojnë shkallën e absorbimit të ilaçeve. Prandaj, është mirë që përkohësisht të shmangni ushqimet me fibra gjatë trajtimit antibiotik dhe t’i hani kur keni përfunduar kurën.
PËRMBLEDHJE: Ushqime me fibra të lartë si drithërat, fasulet, frutat dhe perimet mund të ndihmojnë rritjen e baktereve të shëndetshme në zorrë. Ata duhet të konusmohen pas marrjes së antibiotikëve, jo gjatë trajtimit, pasi mund të zvogëlojnë thithjen e antibiotikut.
Hani ushqime prebiotike
Ndryshe nga probiotikët, të cilat janë mikrobe të gjalla, prebiotikët janë ushqime që ushqejnë bakteret e mira në zorrët tuaja. Shumë ushqime të pasura me fibra janë prebiotike. Fibrat treten dhe fermentohen nga bakteret e shëndetshme të zorrëve, duke i lejuar ato të rriten. Megjithatë, ka edhe ushqime të tjera që nuk janë të pasura me fibra, por veprojnë si prebiotikë. Për shembull, vera e kuqe përmban antioksidantë, të cilët absorbohen nga bakteret e zorrëve. Në mënyrë të ngjashme, edhe kakao përmban antioksidues që kanë efekte prebiotike të dobishme për bakteret e zorrëve.
Shmangni ushqimet që zvogëlojnë efikasitetin e antibiotikëve
Ndërsa shumë ushqime janë të dobishme gjatë dhe pas antibiotikëve, disa duhet të shmangen. Për shembull, studimet kanë treguar se mund të jetë e dëmshme të konsumohet lëng rrushi, ose rrush gjatë trajtimit me antibiotikë. Gjithashtu ushqimet e pasura me kalcium mund të zvogëlojnë thithjen e antibiotikëve të ndryshëm.
Si përfundim
Antibiotikët janë të rëndësishëm kur keni një infeksion bakterial. Megjithatë, ata nganjëherë mund të shkaktojnë efekte anësore, duke përfshirë diarrenë, sëmundjen e mëlçisë dhe ndryshimet në mikrobiotën e zorrëve. Marrja e probiotikëve gjatë dhe pas një kure antibiotikësh mund të ndihmojë në zvogëlimin e rrezikut të diarresë dhe rikthimin e baktereve të shëndetshme. Për më tepër, Konsumi i ushqimeve të pasura me fibra, ushqime të fermentuara dhe ushqime prebiotike pas marrjes së antibiotikëve mund të ndihmojnë gjithashtu në rikthimin e baktereve të mira. Sidoqoftë, është mirë të shmangni rrushin dhe ushqimet e pasura me kalcium, gjatë kohës që trajtoheni me antibiotikë.
Lexo edhe: Antibiotiket natyrale
Sorry, there are no polls available at the moment.')}
Për të lënë një koment ju duhet të jeni regjistruar Identifikohu