Alergjitë e ushqimit mund të jenë të vështira për t’u diagnostikuar dhe shumë njerëz dyshojnë se bëhet fjalë për një alergji ushqimore kur në fakt është diçka tjetër.
Disa alergji ushqimore janë të lehta për t’u diagnostikuar, si për shembull kur dikush ha kikirikë dhe menjëherë përjeton një skuqje të lëkurës dhe ënjtje. Alergjitë e tjera të ushqimit janë paksa më të vështira për t’u njohur dhe mund të fillojnë më vonë gjatë jetës.
Nuk ka asnjë provë të përsosur për të konfirmuar alergjinë e ushqimit dhe shumë simptoma mund të tregojnë një problem krejt tjetër të tretjes.
Nëse dyshoni se mund të keni alergji ushqimore, është e rëndësishme të ndërmerrni hapat e mëposhtëm:
- Shkoni te mjeku
Një kontroll fizik nga një profesionist mjekësor është një hap i rëndësishëm i parë. Mjeku juaj duhet të dijë simptomat për të qenë në gjendje t’ju ndihmojë të përjashtoni çdo shkak tjetër. Nëse shkaqet mjekësore themelore përjashtohen, mjeku juaj do të përdorë testet e gjakut ose testin e prerjes së lëkurës për të matur përgjigjen tuaj imune ndaj disa ushqimeve.
Sipas Kolegjit Amerikan të Alergjisë, Astmës dhe Imunologjisë, këto analiza mund të jenë të besueshme për të përjashtuar ose për të përcaktuar një alergji ushqimore.
- Provoni dietën e eliminimit
Nëse e dini që simptomat tuaja nuk janë shkaktuar nga ndonjë problem tjetër i tretjes, mjeku mund të sugjerojë që të provoni dietën e eliminimit ku eliminoni ushqimin e dyshuar nga dieta juaj dhe e rifusni ato gradualisht.
Megjithëse eliminimi ndihmon për t’i lidhur simptomat tuaja me ushqime të caktuara, kjo nuk është mënyra e përsosur për të diagnostikuar një alergji ushqimore. Ju mund të keni vetëm një intolerancë ushqimore, jo një alergji.
- Mbani një ditar ushqimor
Mbani një ditar të përpiktë të ushqimit, duke bërë shënime të kujdesshme për atë që hani dhe simptomat që rezultojnë. Kjo mund t’i japë doktorit tuaj në drejtimin e duhur dhe t’ju ndihmojë t’i përgjigjeni pyetjeve jetike gjatë shqyrtimit tuaj.
- Shkoni tek një dietolog
Nëse keni kuptuar që grupet kryesore të ushqimit në dietën tuaj të shkaktojnë simptomat, është mirë të pyesni një ekspert rreth mënyrave alternative për të marrë lëndë ushqyese esenciale.
- Mos u “vetëdiagnoztikoni”
Nëse simptomat e tretjes si dhimbja e stomakut ndërhyjnë në jetën tuaj të përditshme dhe dyshoni për alergji ushqimore, merrni mendimin dhe diagnozën e një mjeku. Mund të ketë një gjendje mjekësore rreth së cilës nuk jeni në dijeni.
Ju gjithashtu duhet të dini dallimin midis një intolerance ushqimore dhe një alergjie ushqimore. Një intolerancë mund të shkaktojë simptoma të pakëndshme siç janë: përzierja, dhimbja e stomakut ose probleme të tjera të tretjes, ndërkohë që një alergji ushqimore mund të jetë kërcënuese për jetën në rastin e anafilaktit.
Lexo edhe: 7 llojet me te shpeshta te alergjise ushqimore tek femijet
Për të lënë një koment ju duhet të jeni regjistruar Identifikohu