Kur vjen puna te kujdesi për foshnjën dhe shtëpinë, baballarët modernë thonë se duan të jenë partnerë të barabartë.
Por kur vjen fundjava, hulumtimet e reja tregojnë se burrat shpesh janë në shtrat ndërsa gratë janë ato që bëjnë punët e shtëpisë duke shfrytëzuar kohën e tyre të lirë.
Studimi zbuloi se gratë kishin më shumë gjasa se meshkujt të kalonin fundjavat e tyre duke u kujdesur për fëmijët apo duke kryer punët e shtëpisë. Pra, pas një jave të gjatë të shikimit të fëmijëve apo orëve të punës, çfarë bën mami më shumë se babi? Punon edhe kur ka pushim.
Një studim i kryer nga Universiteti Shtetëror i Ohajos analizoi 52 çifte sesi e kalonin kohën pasi u bënë me fëmijë.
“Burrat në të vërtetë gjetën kohë të lirë për veten, ndërkohë që gratë bënin punë gjatë tranzicionit të prindërimit”,- shpjegon një nga autoret e studimit.
Sipas Kamp Dush, ka disa faktorë pas kësaj dinamike zhgënjyese.
“Një gjë që po ndodh është që gratë kanë një presion shumë të madh shoqëror që të jenë nënat e përsosura. Pra, nëse diçka nuk shkon drejt përsosmërisë tek fëmijët ose shtëpia, nënat ndihen përgjegjëse“.
“Mund të ndodhë që babai thjesht nuk dëshiron ta bëjë një punë të caktuar dhe ai gëzon kohën e tij të lirë”, thotë Kamp Dush. Nëse është kështu, ajo sugjeron që nënat me qetësi të flasin me ta. Tregojini se çfarë ju shqetëson, se keni nevojë edhe ju të pushoni etj.
Sa më shpejt të flisni, aq më mirë do të jetë për marrëdhënien tuaj sepse është e rëndësishme të dini të dy partnerët se si ndihet tjetri.
Kamp Dush sugjeron që nënat shumë të ngarkuara të bëjnë një listë të githë detyrave të tyre, ta ndajnë atë listë në mes dhe një nga gjysmat t’ja japin bashkëshortit. Nëse ka mospëruthje diskutoni sërish, por gjithmonë për të bërë një ndarje sa më të përshtatshme.
Kur detyrat ndahen, e gjithë familja do të jetë më mirë dhe më e lumtur.
Lexo edhe: Te jesh nene eshte njesoj si te jesh e dypunesuar
Sorry, there are no polls available at the moment.')}
Për të lënë një koment ju duhet të jeni regjistruar Identifikohu