Byci në sy është një inflamacion i qepallës lidhur me një mbledhje të vogël të qelbit. Në shumicën e rasteve, infeksioni shkaktohet nga bakteri Staphylococcus.
Megjithëse të pakëndshme dhe tepër të zakonshme, bycet nuk janë shkak për shqetësim në përgjithësi.
Shpesh janë të kuq dhe të dhimbshëm dhe duken si një puçërr. Edhe pse shumica e tyre formohen në pjesën e jashtme të qepallës, disa zhvillohen brenda.
Në shumicën e rasteve, bycet largohen brenda javës pa ndonjë ndërhyrje mjekësore. Bycet e jashtëm, ose ato jashtë qepallës, mund të marrin ngjyrë të verdhë dhe të nxjerrin qelb. Bycet e brendshme që shfaqen brenda qepallës janë përgjithësisht më të dhimbshme.
Vendosja e një komprese të ngrohtë butësisht sipër tyre ndihmon në lirimin më shpejtë të qelbit, lehtëson dhimbjen dhe enjtjen. Ndonjëherë një byc në sy mund të përsëritet.
Disa pika kyçe për bycet
- Mund të jenë të dhimbshme, por shpesh shërohen pa ndërhyrje mjekësore.
- Nëse një byc vazhdon për më shumë se një javë ose ndikon në shikim, duhet të shkoni te mjeku.
- Bycet mund të jenë të jashtëm ose të brendshëm.
- Trajtimi në shtëpi përfshin një kompresë të ngrohtë dhe ilaçet qetësuese.
Simptomat
Pacienti do të ketë një ënjtje të dhimbshme të kuqe në qepallë që mund të shkaktojë lotë dhe skuqje. Bycet shumë rrallë prekin të dy sytë në të njëjtën kohë.
Simptomat e tyre mund të përfshijnë:
- një gungë në qepallë;
- ënjtje e qepallës;
- dhimbje;
- skuqje;
- djegie;
- rënie e qepallës;
- kruajtje e syrit;
- shikim i paqartë;
- shkarkim i mukusit nga syri;
- ndjeshmëri ndaj dritës;
- marramendje;
- ndjesi sikur ka një objekt në sy.
Faktorët e rrezikut
- përdorimi i produkteve kozmetike pas datës së skadencës;
- fjetja pa hequr grimin;
- mos dezinfektimi i lenteve të kontaktit para se të vendosni ato;
- ndryshimi i lenteve të kontaktit pa larë duart tërësisht;
- kequshqyerja;
- mungesa e gjumit.
Nëse një anëtar i familjes ka një byc, nuk duhet të ndani rrobat ose peshqirin me të për të parandaluar ngjitjen e infeksionit.
Trajtimet
Shumica e byceve kalojnë vetë pa nevojën për ndonjë trajtim. Mos u mundoni t’i shpërtheni vetë.
Një kompresë e ngrohtë e mbajtur lehtë në sy mund të ndihmojë në lehtësimin e simptomave. Uji nuk duhet të jetë shumë i nxehtë. Kujdes i veçantë duhet të tregohet kur e aplikoni te dikush tjetër, si për shembull te një fëmijë.
Kompresa duhet të mbahet në sy 5-10 minuta, 3-4 herë në ditë.
Qetësuesit si ibuprofeni mund të jenë të dobishëm nëse byci ju shkakton dhimbje.
Lexo edhe: “Syte e gjakosur” pas lindjes
Për të lënë një koment ju duhet të jeni regjistruar Identifikohu