Ndodh ndonjëherë që sjelljet e fëmijëve me njëri-tjetrin ose me prindërit, të jenë të pahijshme, madje edhe të dëmtojnë të tjerët. Kur fëmijët janë agresivë dhe lëndojnë bashkëmoshatarët fizikisht ose emocionalisht, nuk kemi të bëjmë me sjellje normale të fëmijërisë, por me atë që quhet ngacmim ose bullizëm.

Çfarë përfshin bullizmi?

Abuzimi fizik– goditja, shtyrja, shkelmimi, kapja prej flokësh;

Abuzimi verbal– shpifja, përdorimi i nofkave dhe jo i emrit të vërtetë, ngacmime të pakëndshme;

Abuzimi emocional– torturimi, poshtërimi, përdorimi i gjuhës homofobike ose raciste;

Abuzimi kibernetik– mesazhe me përmbajtje kërcënuese, foto të frikshme ose tronditëse, publikimi i fotove personale pa autorizim në faqet e internetit, përhapja e thashethemeve në internet.

Pasojat

Fëmijët që janë pre e bullizmit janë gjithë kohën të shqetësuar, të dëshpëruar, nuk dëshirojnë të shkojnë në shkollë dhe mbyllen shumë në vetvete. Ky është një problem i rëndë dhe duhet trajtuar me seriozitet.

Ja si duhet të silleni nëse dyshoni se fëmija juaj është viktimë e ngacmimeve të ndryshme:

Bsiedoni rreth kësaj teme

Tregojini fëmijës se ju jeni në krah të tij. Bëjani të qartë se për ju ky është një problem dhe shumë serioz madje.

Mos bini dakord për ta mbajtur sekret

I shpjegoni fëmijës se ngacmimi nuk është një sjellje e pranueshme. Nëse do ta bënte një i rritur do të quhej sjellje kriminale dhe duhet ndaluar me çdo kusht, kushdo qoftë viktima.

Bisedoni me mësuesin e fëmijës suaj

Interesohuni për hapat dhe masat që merr shkolla për të trajtuar këto çështje dhe sigurohuni se po bëjnë maksimumin edhe për fëmijën tuaj.

Ndihmoni fëmijën të përballojë problemet

Inkurajojeni fëmijën të krijojë shoqëri me të tjerë nxënës në klasë, nxiteni që t’i takojë miqtë edhe pas mësimit. Bëni gjithçka mundeni për të kaluar pasditet me fëmijën tuaj dhe shokët e tij në shtëpi duke pirë një çaj, apo duke kryer një aktivitet tjetër.

Nga ana tjetër mund të ndodhë që të jetë fëmija juaj ai që ngacmon të tjerët. Nëse po, duhet të merrni masa sa më shpejt, sepse kjo nuk është situatë normale, por e papranueshme dhe fëmija juaj duhet ta kuptojë këtë.

Duhet ta ndërgjegjësoni fëmijën të pranojë atë që ka ndodhur dhe të kuptojë se është gabim.

Përpiquni të kuptoni cilat arsye e shtyjnë fëmijën drejt këtyre sjelljeve dhe mundohni ta largoni prej tyre, ose ta mësoni t’i tejkalojë pa përdorur sjellje që lëndojnë të tjerët.

Së fundmi, pavarësisht se ç’ka ndodhur nuk duhet të humbisni shpresën, apo të mendoni se kjo gjë do të ndikojë gjithmonë në familjen tuaj. Duhet t’i jepni mundësi fëmijës të përmirësohet.

Lexo edhe: Edukimi nepermjet dhunes i ben femijet agresive

Sorry, there are no polls available at the moment.

')}