Në vitin 2015, një mësuese në një shkollë fillore në Wisconsin ka postuar një tabelë ku paraqiste oraret e përshtatshme të gjumit sipas moshës, në Facebook dhe prindërit po komentojnë në këtë post pothuajse katër vjet më vonë.

Mësuesja e cila postoi kartelën, Stacy Karlsen, nuk e krijoi vetë tabelën, por e gjeti atë dhe audienca e synuar prej saj, ishin vetëm prindërit e fëmijëve në shkollën ku jepte mësim. Ajo kurrë nuk kishte menduar se tabela e orareve të saj do të merrte këto përmasa.

Sipas kësaj tabele, një fëmijë 5-vjeçar që zgjohej në orën 6 të mëngjesit, duhej të flinte në 7 pa një çerek pasdite.

Në katër vitet e fundit prindërit e panumërt kanë parë këtë tabelë për udhëzime, por a është e drejtë?

Shumë nga komentuesit në Facebook kanë vënë në dukje se ky orar gjumi nuk është realist për shumë prindër që janë në punë dhe rreth asaj ore kthehen në shtëpi.

Ndërsa ka të tjerë, që e gjykojnë të drejtë dhe të lehtë për ta zbatuar tabelën.

Siç shpjegon shkrimtari shkencor Stephanie Loomis Pappas, “Këto udhëzime të gjumit bazohen në prova shumë të pakta” dhe ne në të vërtetë “dimë shumë pak për kohën e duhur të gjumit”.

Tabela nuk bazohet në ndonjë studim të veçantë, ose të miratuar nga ndonjë organizatë mjekësore, por Fondacioni Kombëtar i Gjumit i rekomandon fëmijëve të moshës shkollore të flenë 10-13 orë gjumë një natë.

Lexo edhe: Orari i gjumit te femijes!