Ndonjëherë i porsalinduri pavarsisht mënyrës së ushqyerjes (gji apo formulë), mund të duket sikur defekon me vështirësi, kur në të vërtetë nuk është aspak kështu. Nëse fëmija vuan nga konstipacioni do të shfaqë shenja të tilla si: dalje me vështirësi të feçeve, dhimbje gjatë defekimit, si edhe feçe të forta, të thata dhe kompakte.
Konstipacioni dhe gjidhënia
Një fëmijë i ushqyer me gji nuk vuan nga konstipacioni. Nëse ai ka vështirësi në defekim dhe skuqet apo shtrëngohet gjatë këtij proçesi, e bën sepse nuk është në gjendje të përdorë muskujt e duhur për të defekuar. Një bebe e porsalindur mund të qëndrojë edhe 5-6 ditë pa defekuar.
Pas javëve të para…
Pas javëve të para pas lindjes prindërit shqetësohen në lidhje me defekimin e rrallë duke qënë se janë mësuar që fëmija të defekojë edhe 5-6 herë në ditë. Në këtë rast ata mund të “ndihmojnë” fëmijën të defekojë por në të vërtetë fëmija demtohet, duke qënë se nuk favorizohet maturimi i muskujve aktivë në defekim.
Nëse fëmija shfaq feçe të forta
Nëse fëmija ushqehet me ushqime të forta duhet të zieni 4 kumbulla të kuqe në 100 ml ujë dhe më pas të shtypni ato brenda lëngut. E kulloni dhe lëngun ja jepni ta pijë fëmijës.
Nëse fëmija ushqehet me qumësht formule duhet të provoni një qumësht me prebiotikë
Lexoni edhe: 10 menyra per te qetesuar konstipacionin
Për të lënë një koment ju duhet të jeni regjistruar Identifikohu