Është shumë e rëndësishme që nëna të vëzhgojë feçet e fëmijës gjatë çdo ndërrimi, kjo pasi ato janë një sinjalizues shumë i mirë i gjendjes së tij shëndetësore. Ato mund të bëhen tregues i ndonjë problem që fëmija mund të ketë, dhe kryesisht i problemeve me zorrët si edhe nëse ushqyerja e fëmijës është bërë në mënyrën e duhur, gjë e cila ndikon në rritjen e tij.
Treguesi më i rëndësishëm: ngjyra e feceve
Para se të vëzhgoni ngjyrën e feçeve duhet të merrni parasysh nëse fëmija ushqehet me gji, me formulë apo ka filluar ushqimet e ngurta. Feçet e një fëmije që ushqehet me gji duhet të jenë të verdha në jeshile dhe të buta, të atij që ushqehet me formulë duhet të jenë në kafe dhe të atij që ushqehet me ushqime të ngurta më të errëta dhe më të bollshme.
Nëse fecet janë të qarta
Kjo tregon se ka ndodhur një anomali në absorbimin e yndyrnave. Nëse përsëritet vazhdimisht nënkupton paaftësinë e zorrëve për të thithur elementët e vlefshëm që ndodhen në ushqime.
Nëse ka fije të bardha
Prezenca e mukusit mund të jetë sinjalizues i një inflamacioni tek zorrët, ndodh nëse fëmija ka një ftohje dhe kollë, pasi diarreja ka përfunduar etj. Pra nëse fëmija është duke kaluar një gjendje gripale.
Fecet me shenja gjaku të qartë
Prania e gjakut tregon se ka një hemorragji të vogël në zonën fundore të zorrëve, ose në rast se fëmija vuan nga konstipacioni.
Feçet e zeza
Është një fenomen që ndodh rrallë dhe nëse ndodh duhet të shkoni tek mjeku, sidomos nëse përsëritet disa herë ose theksohet më tepër.
Për të lënë një koment ju duhet të jeni regjistruar Identifikohu