Autizmi manifestohet në mënyra të ndryshme varësisht nga gjinia e fëmijëve të prekur. Më pak simptoma ka tek vajzat. Vajzat do të tregonin një gamë më pak të gjerë të simptomave sesa djemtë. Përfundimet u arritën nga studiuesit e Shkollës së Mjekësisë të Stanford University në një studim të botuar në revistën shkencore “Autism Molecular”.
Shumica e të prekurve djem
Mostra e analizuar, e përbërë nga 800 fëmijë të prekur nga forma të ndryshme të autizmit, tregoi në mesin e simptomave kryesore përsëritëse dhe sjellje të kufizuara, por jo vetëm. Për të karakterizuar këtë çrregullim, ishin edhe disa sjellje sociale dhe probleme në nivelin komunikues. Përveç kësaj, djemtë duken më të prirur ndaj autizmit sesa vajzat, me një raport prej 4 deri në 1.
Diagnoza është më e vështirë për vajzat
Këto të dhëna, megjithatë, mund të fshehin një nënvlerësim lidhur me përhapjen e autizmit midis vajzave. Kjo është për shkak se te vajzat shenjat e sëmundjes duken më pak të habitshme dhe për këtë arsye më të vështira për tu njohur ose janë më të konfuzuara me çrregullime të tjera. Analiza e të dhënave në fakt ka theksuar sesi vajzat tregojnë më pak sjellje karakteristike të autizmit, të tilla si qëndrime të përsëritura ose të kufizuara.
Dallimet në nivelin motorik
Mostra e hulumtimit u nënshtrua gjithashtu edhe një rezonance magnetike. Ky ekzaminim tregoi një ndryshim të qartë midis trurit femëror dhe mashkullor të fëmijëve me autizëm. Dhe kjo mospërputhje vihet re mbi të gjitha në aspektin e funksionalitetit motorik.
Asnjë lidhje me vaksinat
Autizmi ka qenë prej kohësh në qendër të diskutimeve të pafundme për lidhjen e tij të supozuar dhe gjithmonë të mohuar me vaksinat. Në vend të kësaj, shumë kërkime po bëhen për të qenë në gjendje të njohin format e autizmit në fillim dhe me saktësi. Këto hapa përpara sigurojnë që shërimet dhe terapitë të bëhen gjithnjë e më efektive dhe t’u ofrojnë fëmijëve me autizëm një cilësi më të mirë të jetës.
Kujdes gjithnjë e më shumë efektiv
Hapat përpara të bëra nga kërkimet dhe mjekësia, në lidhje me autizmin, do të na lejojnë të arrijmë në diagnoza gjithnjë e më të parakohshme. Në këtë mënyrë, terapitë do të jenë më të fokusuara dhe më efektive. Rezultatet kështu premtojnë të jenë pozitive si në aspektin e cilësisë individuale të jetës dhe në aspektin e mirëqenies sociale.
Lexo edhe: “Mos e shikoni autizmin si semundje”, mesazhi frymezues i nenes se nje djali autik
Për të lënë një koment ju duhet të jeni regjistruar Identifikohu