Falë progresit që fusha e mjekësisë bën çdo ditë, tashmë është e mundur të ndërhyhet edhe tek fetusi nëse diçka nuk shkon si duhet, për shembull nëse kemi të bëjmë me spina bifida, një problem kardiak etj. Gjatë ndërhyrjes kirurgjikale të fetusit, nevojitet edhe anestezia tek ai, pra jo vetëm tek nëna. Këtë e mbështet një studim i kryer në Universitetin e Sienës në Itali. Këto janë operacione të rëndësishme që kanë si qëllim të shpëtojnë jetën e fetusit.

Për disa anestezia është tepër e rëndësishme

Studimi u ndoq nga mjekë neonatë dhe u krye për një periudhë të gjatë, pra nga viti 1990-2016. Sipas tyre, fetusi nga trimestri i dytë mund të ndiejë gjithçka ndodh, të perceptojë stimujt e jashtëm dhe substancat kundër dhimbjes që çliron trupi i nënës nuk janë në gjendje ta qetësojnë atë në rast ndërhyrjesh, prandaj nevojitet anestezia.

Sipas tyre, një eksperiencë e dhimbshme për fetusin mund të shkaktojë çlirimin e hormoneve që lidhen me stresin, duke qënë se nga java e 20 e shtatzanisë është zhvilluar tek ai aftësia e perceptimit të dhimbjes. Prandaj mjekët para një ndërhyrje kirurgjikale fetale duhet të përdorin anestezi e cila aplikohet nëpërmjet kordonit ombelikal ose morfinë në mënyrë intra-muskulare.

Sipas të dhënave, operacionet që kryhen më shpesh tek fetusi janë ato në lidhje me problemet kardiake si edhe spina bifida.

Lexo edhe:

Vendosni nese duhet apo jo te kryeni epidural!

Ja rastet kur nuk aplikohet epodurali

Perdorimi i narkozes gjate operacionit

Anestezia spinale, ja cfare ndodh ne sallen e lindjes