Prindërimi është një eksperiencë e vështirë sidomos nëse jeni prindër për herë të parë. Gjithsesi në momentin kur vjen në jetë fëmija i dytë, ju mund t’i keni kaluar tashmë shumë nga situatat me të cilat do të përballeni, dhe rrjedhimisht nuk do të shqetësoheni apo nuk do të habiteni në të njëjtën mënyrë siç ndodhte gjatë rritjes së fëmijës së parë. Por çdo fëmijë është i ndryshëm, dhe eksperiencat që do të ndeshni gjatë rritjes së tij mund të ndryshojnë në varësi të shumë faktorëve. Më poshtë do të lexoni disa nga veprimet apo aktivitet që do t’i bëni gjatë prindërimit me fëmijën e dytë.

1. Fotografitë

Me fëmijën e parë ju keni dëshirën për të fotografuar gjithçka, buzëqeshjen e parë, hapat e parë, kjo pasi çdo gjë që bebi juaj bën është emocionuese, dhe ju nuk mund të rrini pa i fotografuar këto ngjarje. Ndërsa me fëmijën e dytë, e gjithë kjo dëshirë për të fotografuar gjithçka mund të jetë disi më e rezervuar pasi, tashmë i keni përjetuar një herë këto emocione.

2. Higjiena

Me fëmijën e pare, me shumë mundësi keni luftuar pafundësisht me mikrobet e bakteret, duke sterilizuar gjithçka që bebi juaj do të prekte. Ndërsa me fëmijën e dytë gjërat janë më ndryshe pasi tani e dini më mirë se për çfarë duhet të shqetësoheni. Në fund të fundit pak pluhur nuk është një arsye e madhe që t’ju shqetësojë shumë sepse fëmija nuk do të sëmuret aq lehtë.

3. Lodrat

Me fëmijën e parë emocionet do t’ju bëjnë të blini thuajse çdo lodër që ju zënë sytë. Ndërsa me fëmijën e dytë gjërat janë ndryshe pasi tani e dini se nuk mund të gaboni duke shpërdoruar paratë tuaja me gjëra që janë realisht të panevojshme për të.

4. Gjidhënia

Me fëmijën e parë keni tendencën të frikësoheni nëse nuk keni mjaftueshëm qumësht apo nëse bebi ka pirë mjaftueshëm. Me fëmijën e dytë do të jeni më e qetë dhe do ta kontrolloni më me qetësi situatën.

5. Rrobat

Me siguri që nuk do keni nevojë për të blerë aq shumë rroba për fëmijën e dytë pasi tashmë keni rrobat e fëmijës së parë të cilat janë thuajse të “papërdorura”.

Cilat janë disa nga ndryshimet më të rëndësishme që keni vënë re nga periudha e prindërimit gjatë rritjes së fëmijës së parë dhe rritjes së fëmijës së dytë?

Lexoni dhe: A eshte e vertete qe femija i dyte peshon me shume se i pari?

')}