E keni vënë re se në përgjithësi fëmija i dytë peshon më tepër se i pari? Në përgjithësi një shtatzani zgjat 40 javë dhe sipas ekspertëve zakonisht konsiderohet normale për meshkujt pesha 3467 gr dhe për femrat 3431 gr. Por sipas tyre ajo që ndikon në peshën e lindjes teorikisht nuk është gjinia, janë të tjerë faktorë që e përcaktojnë dhe që kanë lidhje me nënën apo fetusin.
Pesha në lindje
Në të vërtetë stili i jetesës, ushqyerja dhe mbi të gjitha funksionimi i plaçentës janë ato që ndikojnë në peshën që fëmija do të ketë në lindje. Kjo peshë do të ndryshojë nga fëmija në fëmijë nëse nëna ndryshon stilin e të ushqyerit. Nuk ka lidhje me sasinë e madhe të ushqimit por me cilësinë e tij.
Ja çfarë ndikon në peshën e fëmijës
Pra pesha ka lidhje me shumë faktorë dhe mbi të gjitha ka edhe ndikim të madh gjenetika, duke ju referuar edhe asaj të babait. Gjithashtu edhe zakonet e të ushqyerit të babait ndikojnë tek gjenet e fëmijës apo pesha, jo vetëm në momentin e lindjes por gjatë gjithë jetës.
Duhet të themi gjithashtu se edhe pesha e nënës ndikon.
Nëse ajo do të jetë mbipeshë apo obeze fëmija do të lindë me peshë më të vogël. Fatmirësisht dhjami dhe kaloritë e tepërta nuk kalojnë tek fëmija në sasi të mëdha. Ai merr vetëm një minimum të mundshëm. Pra nuk ka asnjë lidhje mes fëmijës së parë, të dytë e me radhë dhe peshës. Të gjithë fëmijët dhe shtatzanitë janë të ndryshme prandaj edhe karakteristikat e rritjes do të jenë të ndryshme.
Lexo edhe:
Sa duhet te jete pesha dhe gjatesia e nje femije?
Sa kg duhet te marrim gjate shtatzanise?
')}
Për të lënë një koment ju duhet të jeni regjistruar Identifikohu