Prej shumë vitesh ekspertët e shëndetit paralajmërojnë konsumatorët të mos hanë shumë vezë, sepse ato rrisin nivelin e kolesterolit dhe ndikojnë në sëmundjet e zemrës.

Ndërsa vitet e fundit, mjekët dhe nutricionistët e kanë zbutur qëndrimin e tyre, duke theksuar se vezët përmbajnë shumë vitamina, minerale dhe proteina shumë të rëndësishme.

Vezët kanë kolesterol – por kjo nuk është domosdoshmërisht një gjë e keqe

Është e vërtetë që vezët kanë një nivel më të lartë të kolesterolit dietik sesa shumë ushqime të tjera – rreth 185 mg në një vezë. Jo shumë kohë më parë, vezët konsiderohehsin të dëmshme sa edhe duhani.

“Tani e dimë se ajo që rrit vërtet kolesterolin në gjak është yndyra e ngopur në dietë dhe jo kolesteroli që merret direkt përmes ushqimeve”, shpjegon Dr. Schulman. “Kur hahet kolesteroli, ai shpërbëhet në zorrë; nuk absorbohet si një molekulë e tërë kolesteroli “, – thotë ai. Por një tjetër gjë që duhet marrë parasysh, thotë Dr. Schulman, është raporti i kolesterolit të keq me atë të mirë dhe veza përmban më shumë këtë të fundit.

Studimet e fundit nuk tregojnë lidhje me sëmundjet e zemrës

Hulumtimet në vitet e fundit nuk kanë arritur të gjejnë një lidhje midis konsumimit të vezëve çdo ditë dhe sëmundjeve të zemrës, madje edhe tek njerëz, gjenetika e të cilëve i ka vënë ata në rrezik më të lartë se normalja.

Madje, sipas një studimi të kryer në Zelandën e Re, ngrënia e vezëve mund të ketë efekt mbrojtës. Njerëzit të cilët raportuan se hanë një vezë në ditë kishin një rrezik 11% më të ulët të zhvillimit të sëmundjeve të zemrës – dhe një rrezik 18% më të ulët të vdesin prej tyre – për nëntë vitet e ardhshme, se ata që nuk hanë vezë. Ata gjithashtu kishin një rrezik 26% më të ulët për të pasur një goditje hemorragjike.

Vezët janë të mbushura me ushqyes dhe proteina

Ka shumë arsye për të ngrënë vezë, thotë Dr. Schulman: Ato janë të pasura me vitaminë E, lutein, selen dhe folatë, të cilat luajnë role të rëndësishme në shëndetin e trurit, shikim dhe luftimin e inflamacionit në trup. Ato gjithashtu përmbajnë proteina (rreth 6 gramë për vezë), të cilat ju japin ndjesinë e ngopjes.

Vezët e ziera janë një zgjedhje e shëndetshme për shkak se nuk kanë asgjë për ta shtuar, thotë Dr Schulman; ai gjithashtu rekomandon që vezët të gatuhen me pak vaj ulliri, por përpiquni të shmangni gjalpin, edhe pse pak gjalpë nuk do të ndikonte për keq të një pjesë e njerzve.

Lexo edhe: Nje veze ne dite ndihmon rritjen e femijeve

Sorry, there are no polls available at the moment.

')}