Vezët janë një ushqim i shëndetshëm që përmbajnë proteina, yndyrna të shëndetshme, vitaminë A, D etj, të cilat janë shumë të rëndësishme për gruan shtatzënë.

Përfitimet e vezës në shtatzani

• Përmbajnë sasinë e duhur të proteinave për zhvillimin e fetusit.
• Ndihmojnë në zhvillimin e trurit të bebes, duke qënë se përmbajnë omega-3 dhe kolinë, të rëndësishme për të parandaluar problemet në tubin neural.
• Përmbajnë një nivel të mirë të kalorive që duhet të merren gjatë ditës (rreth 70 kalori).

Sa vezë duhet të konsumohen gjatë ditës?

Nëse nivelin e kolesterolit e keni normal, mund të konsumoni 1-2 vezë në ditë. Në të kundërt duhet të evitohen. Po ashtu edhe nëse jeni mbi peshë, duhet të konsumohen sa më pak të jetë e mundur.

Si duhet t’i konsumojmë?

• Të ziera mirë. Duhet të ziejnë 5-7 minuta. Nëse ziejnë më tepër se 10 minuta i humbin vlerat, dhe madje do të bëhen një ushqim i vështirë për t’u tretur.
• E skuqni vezën mirë nga të dyja anët.
• E zieni pa lëkurë brenda një tenxhere me ujë të vluar.
• Mund të përgatisni omletë me perime.

Në të gjitha rastet mbani mend se ajo duhet të gatuhet mirë që të ulet rreziku i salmonelës.