Një studim i ri ishte në gjendje të parashikonte nëse nënat do të përjetonin simptoma depresive të përkeqësuara gjatë vitit të parë pas lindjes duke vëzhguar katër karakteristika të nënës që i vënë ato në rrezik.
Katër karakteristikat që duhen marrë parasysh për shkallën e depresionit:
- Numri i fëmijëve që ka nëna;
- Aftësia e saj për të funksionuar në punë dhe në marrëdhëniet e saj;
- Niveli i saj i arsimit, i cili mund të përcaktojë qasjen në burime;
- Sa i rëndë ishte depresioni 4-8 javë pas lindjes.
Kur studiuesit përdorën këta faktorë rreziku, ata ishin 72.8 për qind të saktë me parashikimet e depresionit pas lindjes.
“Nuk është vetëm një pyetje nëse nëna do të preket apo jo nga depresioni. Por nëse simpotmat e saj do të përkeqësohen gjatë vitit të parë, ajo duhet të jetë proaktive në lidhje me trajtimin”, – thotë një nga autorët.
Nëna me depresion pas lindjes zakonisht bie në tre trajektore:
- Përmirësim gradual: Bëhet më mirë gjatë kohës;
- Përmirësim i pjesshëm: Tregon shenja të përmirësimit pas vitit të parë, por ende ka simptoma;
- Kronike e rëndë: Simptomat fillojnë në nivelin e përmirësimit të pjesshëm, por përkeqësohen me kalimin e kohës.
Autorët e studimit shpresojnë se gjetjet e tyre do të çojnë në trajtime që janë më të përshtatshme për secilën grua specifike.
Lexo edhe: Instagrami shkaktar i ankthit dhe depresionit
Për të lënë një koment ju duhet të jeni regjistruar Identifikohu