Kastraveci, gjatë stinës së verës, nuk duhet të mungojë kurrë në tryezën tuaj. Vlerat e tij ushqimore por edhe fresia që te dhuron, sidomos gjatë këtyre ditëve të nxehta vere, janë arsye të shtuara për ta konsumuar.

Ja 7 përfitimet nga konsumi i kastravecit

Përmirësojnë shëndetin e kockave

Kastravecët janë shumë të pasur me vitaminë K, e cila është çelësi për shëndetin e kockave. Një kastravec së bashku me lëkurën e tij ju furnizojnë me mbi 20 % të sasisë së nevojshme të kësaj vitamine. Kjo lëndë ushqyese është e nevojshme për formimin e kockave dhe disa studime kanë lidhur nivelet e ulëta të vitaminës K me shfaqjen e osteoporozës dhe rritjen e rrezikut të frakturave.

Ndihmojnë shëndetin kardiovaskular

Kastravecat përmbajnë dhjetëra antioksidantë, duke përfshirë flavonoidet, të cilat janë të njohura për të mbrojtur nga sëmundjet e zemrës. Farat mund të jenë gjithashtu të dobishme: Në një studim të botuar vitin e kaluar, një grup i vogël njerëzish me yndyra në gjak kanë konsumuar çdo ditë ekstrakte të thata të kastravecave. Pas gjashtë javësh ata përjetuan një numër ndryshimesh të favorshme, duke përfshirë uljen e kolesterolit në total, uljen e kolesterolit “të keq” LDL, rritjen e “mirë” të HDL dhe uljen e triglicerideve.

Ju mbajnë të hidratuar

Një kastravec mesatar përmban 194 gramë lëng. Shtimi i kastravecëve në ujë ju ndihmon për të qëndruar edhe më shumë të hidratuar.

Mbajnë nën kontroll peshën

Kastravecët kanë vlera të ulëta të kalorive, por përmbajnë fibra dhe lëngje. Kjo ju ndihmon në humbjen e kilogramëve të tepërt.

Ulin rrezikun e kancerit

Së bashku me fara liri dhe susami, brokoli, lakra, luleshtrydhe, kajsi dhe ushqime të tjera bimore, kastravecët përmbajnë një substancë natyrale të quajtur lignans. Bakteret në traktin e tretjes konvertojnë lignans në komponimet që lidhen me receptorët e estrogjenit. Disa studime paraprake sugjerojnë se mund të mbrojnë nga kanceret e lidhura me estrogjenin, duke përfshirë ato të gjirit, vezores, mitrës dhe prostatës.

Mund të qetësojnë lëkurën

Vendosja e disa fetave kastraveci në sy do t’ju qetësojë menjëherë lëkurën tuaj. Ata përbëhen kryesisht nga uji, vitamina C dhe acidi kafeik, një kimikat natyral që posedon vetitë anti-inflamatore. Prej kohësh ata janë përdorur në kushte shtëpie për trajtimin e akneve dhe djegieve nga dielli.

Luftojnë erën e keqe të frymëmarrjes

Një shkak i zakonshëm është era e prodhuar kur bakteret sulmojnë grimcat ushqimore të bllokuara. Lëngu në tranguj, si dhe prodhimi i pështymës shkaktuar nga përtypja, ndihmon në pastrimin e gojës nga këta shkaktarë të erës së keqe.

Lexo edhe: Perfitimet nga perdorimi i kastravecit ne shtatzani

Sorry, there are no polls available at the moment.

')}