Nëse po kërkoni pak freski në këto ditë të nxehta vere apo një vakt të shëndetshëm me pak kalori, kastraveci është zgjedhja perfekte për ju.

Por a mund të hamë kastravec gjatë shtatzanisë?

Po, ju mund të konsumoni sasi të vogla kastraveci gjatë shtatzanisë, megjithatë ai nuk rekomandohet të përdoret gjerësisht pasi mund të shkaktojë alergji, urinim të shpeshtë për shkak të sasisë të lartë të ujit që përmban dhe mund t’ju shkaktojë probleme me tretjen. Ndaj këshillohuni me mjekun tuaj përpara se ta përdorni.

Por nëse doktori juaj ju jep dritën jeshile për të konsumuar kastravec në shtatzani, ju do të keni disa përfitime nga përfshirja e tij në dietën tuaj.

1. Parandalon dehidratimin

Kastraveci përbëhet rreth 96% nga uji i cili ju ndihmon të qëndroni të hidratuara. Grave shtatzëna u nevojitet më shumë uji se normalisht ndaj përfshirja e kastravecit në dietën tuaj ndihmon në arritjen e sasisë së nevojshme ditore të ujit.

2. Kastraveci është një diuretik natyral

Sasia e lartë e ujit në përbërjen e kastravecit vepron si një diuretik natyral i cili nxit urinimin dhe promovon pastrimin e trupit nga lëndët toksike dhe redukton ënjtjet.

3. Përmirëson shëndetin e lëkurës

Lëngu i kastravecave të freskët ka veti freskuese dhe pastruese që ndihmojnë për të pasur një lëkurë të hidratuar dhe të ndritshme.

4. Përmirëson gjendjen emocionale

Kastraveci përmban disa lloje të vitaminës B të cilat janë të njohura për efektin që kanë në trurin e njeriut. Ato ndihmojnë në reduktimin e ndjenjës së ankthit dhe limitojnë disa efekte që ka stresi në trupin e njeriut.

5. Ndihmon në zhvillimin e fetusit

Kastravecat janë të pasur me vitaminat B1, B2, B3, B5, B6, B9, kalçium, hekur, kalium, zink, bakër dhe sulfur, të cilat janë shumë të rëndësishme për zhvillimin e fetusit dhe parandalojnë anomalitë në rritjen e tij.

Lexoni dhe: A mund te konsumojme shalqi në shtatzëni

')}