Prindërimi sjell shumë kënaqësi në jetën e një gruaje, por për të qenë realistë duhet të pranojmë se ka ndikim negativ në jetën seksuale.

6 mënyra për ta përmirësuar jetën seksuale pas lindjes së fëmijëve

1. Koha

Një jetë seksuale e shëndetshme kërkon kohë. Ndoshta tani po medoni se e keni kohën shumë të zënë, me shumë detyrime, por nëse doni një jetë të mirë seksuale duhet të gjeni kohë për ta bërë atë prioritet.

2. Gjumi

Ju keni nevojë për gjumë për t’u ndjerë njeri. Dhe nëse nuk ndiheni si një qenie njerëzore, nuk keni për të pasur një jetë të mirë seksuale. Një studim i vitit 2015 zbuloi se një orë më shumë gjumë përmirëson me 14% jetën seksuale të grave.

3. Kërkoni ndihmë

Ju keni shumë detyrime, të kujdeseni për fëmijët, t’i ushqeni, t’i çoni në kopsht, çerdhe, shkollë, të përgatisni ushqimin, të lani rrobat, të pastroni shtëpinë etj. Që të gjitha këto të mos ju “mbysin”, kërkoni ndihmë në mënyrë që të keni kohë dhe të jeni të relaksuar për aspekte të tjera të jetës suaj.

4. Qëndrimi

Nëse doni një jetë seksuale të shëndetshme e të lumtur, duhet të keni qasjen e duhur ndaj saj. Të mos e shikoni si një detyrim, por të jeni të entuziazmuar e ta konsideroni si një gjë pozitive. Së pari bëjeni prioritet dhe bëhuni fleksibël mes detyrës si prind dhe aspektit seksual të jetës.

5. Lodrat e seksit

Lodrat e ndryshme të seksit mund t’i japin një tjetër dimension marrëdhënies suaj dhe t’ju nxisin për të eksploruar.

6. Sensi i humorit

Nënat janë të lodhura, por nëse i dedikoheni pak më shumë marrëdhënieve seksuale, jeta juaj do të përmirësohet, marrëdhënia juaj do të forcohet. Merrini gjërat pozitivisht dhe tregoni një sens të mirë humori.

Lexo edhe: Shenjat qe tregojne se femja do e perforcoje martesen tuaj