Deri tani jemi fokusuar më tepër në përfitimet që gjidhënia sjell në aspektin ushqyes të fëmijës, duke mos e theksuar se ky është një proçes që sjell përfitime edhe për shëndetin e nënës si edhe aspektin emocional. Megjithatë shpesh nëna e re e ndodhur para një procesi të vështirë, dhe shpesh duke dëgjuar këshilla jo të vlefshme, zgjedh të ndërpresë gjidhënien para kohe. Por, përveç nënave të cilat e “braktisin” gjidhënien si pasojë e një problemi të caktuar, shumë nëna mund ta ndërpresin atë me dëshirë pasi mendojnë se ai do të ndikojë tek bukuria e gjoksit të tyre.
Duke mos dashur aspak të gjykojmë këtë zgjedhje kaq personale, do t’ju sjellim disa këshilla që do t’ju ndihmojnë ta mbani gjoksin të tonifikuar, kështu gjidhënia nuk do të jetë më asnjë problem për asnjë grua. Para së gjithash duhet të dini se nuk është gjidhënia që prish bukurinë e gjoksit, por zakonet e këqija që ndiqni në jetën e përditshme.
• Ushqeni me gji. Gjidhënia do të jetë ajo që do të mbrojë gjoksin dhe vezoret nga tumori.
• E hidratoni lëkurën. Përdorni një vaj bajamesh për të masazhuar gjoksin, e madje që në shtatëzani.
• E tonifikoni gjoksin. Noti dhe ushtrime të tjera do t’ju ndihmojnë të tonifikoni muskujt e gjoksit.
• Përdorni recipeta të rehatshme. Të mbash reçipeta tepër të shtrënguara është e dëmshme pasi indet nuk arrijnë të marri oksigjenin e nevojshëm. Pra përdorni reçipeta të rehatshme si edhe vendosni shpesh kompresa të ftohta në gjoks.
• Ushqehuni mirë. Konsumimi i ushqimeve të shëndetshme jo vetëm do t’ju bëjë të jeni në formë por edhe të parandaloni akumulimin e yndyrës së tepërt në gjoks.
Lexoni edhe: Si ndikojne recipetat ne shendetin e gjoksit
Për të lënë një koment ju duhet të jeni regjistruar Identifikohu