Njerëzit që janë aktiv seksualisht por që duan të shmangin një shtatzani duhet të jenë në dijeni të mundësive që kanë për të shmangur një shtatzan dhe se sa të efektshme mund të jenë këto opsione. Metoda e vetme që ju siguron 100% shmangien e një shtatzanie të padëshiruar është mungesa e seksit, por megjithatë disa nga metodat kontraceptive moderne janë shumë të sigurta.

Ne kemi përgatitur një listë me 10 metodat kontaceptive më të përdorura dhe më të sigurta.

1. Kondomët për meshkujt

Kondomët janë të vetmët tipe kontraceptivësh që ofrojnë edhe mbrojtje nga SST-të dhe sipas (Center for Disease Control) CDC ato janë efektivë në 80% të rasteve.

2. Kondomët për femra

Kondomët për femra mund të gjenden në farmaci pa rekomandimin e mjekut dhe mund të përdoren në mungesë të kondomëve për meshkuj, pra duhet të theksohet që nuk duhet të përdoren të në të njëjtën kohë. Sipas CDC kjo metodë është e sigurt në rreth 79% të rasteve.

3. Diafragmat

Diafragma është një metodë kontraceptive barrierë e cila vendoset në brendësi të vaginës. Është e rëndësishme që në të të aplikohet edhe spermicidë përpara çdo përdorimi. Sipas CDC kjo metodë është e sigurt në 90% të rasteve kur përdoret së bashku me spericidin.

4. Kupa cervikale

Kupa cervikale është një kupë e butë prej silikoni që vendoset thellë në vaginë dhe ndalon spermatozoidet të arrijnë vezët. Sipas CDC kjo metodë është e sigurt në 70-85% të rasteve.

5. Sfungjeri

Sfungjeri kontraceptiv është një metodë kontraceptive që mund të merret pa rekomandimin e mjekut dhe përbëhet nga një sfungjer që përmban spermicidë, i cili vendoset thellë në vaginë në mënyrë që të bllokojë hyrjen e mitrës. Kjo metodë është e sigurt në 76-88% të rasteve.

6. Spermacidi

Spermacidi është një substancë kimike që çaktivizon spermatozoidët. Ky kontraceptiv përdoret me metoda të tjera kontraceptive si barrierat apo kondomët. Sipas CDC nëse përdoret e vetme kjo metodë është efektive në 71% të rasteve.

7. Pilulat kontraceptive

Pilulat kontraceptive është metoda kontraceptive më e përdorur në botë. Ka një numër të madh të kompanive që prodhojmë pilula të tilla dhe disa prej tyre nëse përdoren siç duhet ofrojnë mbrojtje në 99% të rasteve.

8. Fashat kontaceptive

Sipas CDC fashat kontraceptive janë efikase në 99% të rasteve nëse përdoren në mënyrën e duhur. Këto fasha vendosen në kurriz, në stomak, në kofshë ose në pjesën e sipërme të krahut dhe duhet të mos hiqen për 3 javë. Gjithsesi përdorimi i kësaj metode ka një rrezik të ulët për irritim të lëkurës.

9. Kontraceptivët me injeksion

Këto kontraceptivë injektohen nga doktori çdo 12 javë. Sipas CDC nëse kjo metodë përdoret siç duhet, pra nëse injeksioni merret në kohën e duhur, është efektive në 90% të rasteve.

10. Kontraceptivët e emergjencës

Në rastet e seksit të pambrojtur ose në rast se metoda kontraceptive e përdorur ka dështuar, ju mund të përdorni kontraceptivët e emergjencës për të minimizuar mundësinë e një shtatzanie. Sipas CDC, nëse përdoret brenda 5 ditëve nga kryerja e marrëdhënies seksuale kjo metodë është efektive në 99.9% të rasteve.

Lexoni dhe: Si behet parandalimi i shtatezanise me anen e spirales

')}