Ky është muaji kundër kancerit të gjirit dhe ndërgjegjësimi për shëndetin është më i madh se kurrë.

10 gjërat që ndoshta nuk i dinit për gjirin tuaj

1. Me shumë mundësi vishni reçipeta që nuk janë në masën tuaj

Mos u shqetësoni, kjo ndodh me shumë gra, pothuajse 8 nga 10 prej nesh nuk përdorin reçipetat që përshtaten me masën gjë që mund të shkakojë dhimbje shpine.

2. Gjenet mund të përcaktojnë fakorët e rrezikut

Ka dy gjene që ndikojnë në luftimin e kancerit të gjirit, ato janë BRCA1 dhe BRCA2. Por vetëm 0.25% e grave kanë një mutacion të këtyre gjeneve dhe nuk kanë aftësi shumë të mirë për të luftuar kancerin.

3. Fëmijët dhe mosha gjithahtu mund të luajnë rol

Nëse periodat ju kanë ardhur para moshës 12 vjeçare, nëse jeni bërë nënë para të 30-ave, apo nëse nuk keni lindur ende fëmijë, të gjitha këto kanë ndikim. Megjithatë mos u shqetësoni, thjesht kontrolloni gjirin çdo muaj.

4. Rreziku i kancerit mund të zvogëlohet

Disa ndryshime në stilin e jetesës mund të zvogëlojnë shanset për kancerin e gjirit. Ato përfshijnë:

• Lënien e duhanit;
• Konsumin e një sasie më të vogël alkooli;
• Kryerjen e aktivitetit fizik;
• Mbajtjen nën kontroll të peshës;
• Shmangien e rrezatimeve radioaktive kur është e mundur.

5. Metodat kontraceptive mund të rrisin rrezikun (vetëm pak)

Një studim i vitit 2017 zbuloi se gratë që përdornin metoda kontraceptive si pilulat apo spiralen kishin një shans pak më të lartë për t’u prekur nga kanceri i gjirit.

6. Duhet të kontrolloni gjirin të paktën njëherë në muaj

Koha më e mirë për të kontrolluar gjirin është pak ditë pas periodave. Nëse jeni shtatzanë ose po ushqeni me gji, kontrollojini në një datë të caktuar çdo muaj.

7. Gjiri është i ndryshëm

• Gjinjtë në të njëjtin trup kanë masa të ndryshme;
• Mund të keni qime të vogla në gjoks;
• Mund të keni dhimbje gjiri pak para se t’ju vijnë periodat.

8. Disa elementë që mund të konstatoni në gjoks kanë nevojë për ekzaminime të mëtejshme

Flisni me mjekun nëse:

• Vini re një gjendër;
• Shihni ënjtje pranë gjoksit apo sqetullës;
• Ka ndryshime në lëkurën rreth thithave;
• Keni kruajtje;
• Vëreni qelb, gjak ose lëng tjetër që rrjedh nga thitha (përveç qumështit).

9. Ka një plan për mamografinë

Shoqata ë ndryshme shëndetësore rekomandojnë këto planifikime për mamografinë:

• Gratë mes moshës 40-44 vjeçe mund të fillojnë të kryejnë mamografi nëse vendosin të bëjnë një të tillë;
• Mes moshës 45-54 mamografia duhet të bëhet çdo vit;
• Pas moshës 55 vjeçare, mund ta bëni çdo vit ose edhe më rrallë nëse e shikoni që jeni në gjendje të mirë shëndetësore.

10. Numri i të mbijetuarave nga kanceri i gjirit është rritur

Pothuajse 90% e grave të prekura nga kanceri i gjirit mbijetojnë. Kapja e hershme dhe trajtimi kanë ndikim të jashtëzakonshëm poztiv.

Lexo edhe: Si mund te zbulohet kanceri i gjirit?