Ushqyerja e shëndetshme ka shumë rëndësi për fëmijën, dhe mënyra si ai mësohet të ushqehet që në foshnjëri do të ndikojë për të gjithë jetën. Pra nëse ai do të hajë ushqime të shëndetshme do t’i hajë gjithmonë dhe nëse mësohet të hajë ushqime industriale (patatina, karamele, amita etj) ashtu do të veprojë gjithmonë.
Fasulet, vlerat për fëmijën
Ato janë të pasura me folate, proteina, fibra, magnez, hekur, kalium etj. Sipas një studimi të kryer nga “Dietary guidelines for Americans” në vitin 2010, ai do të jetë një ushqim që do të konsidrohet i plotë, pra dietologët e konsiderojnë si një nga perimet me më shumë proteina nga të gjitha. Ato mund të futen në dietën e fëmijës nga muaji i 9-10 duke qënë se në këtë periudhë aparati tretës do të jetë maturuar mjaftueshëm për të tretur ushqime me shumë proteina. Nga ana tjetër ato mund të shkaktojnë gazra tek fëmija dhe për pasojë nuk duhet të prezantohen më parë në dietën e tij.
Sa fasule duhet të hajë një bebe?
Mund të ishin të mjaftueshme 1-2 lugë gjelle (12-24 muajsh) si edhe 3-5 lugë gjelle (nga viti i 3 në të 5), fasule të shtypura në formë pureje, gjë që mund të bëhet edhe me anën e një piruni. Më pas mund të shtohen në purenë e perimeve. Nuk duhet të fusni fasulet në dietën e fëmijës ndërsa ai është i sëmurë, dhe i lodhur. Momenti i duhur do të ishte kur ai të ishte plotësisht në humor dhe i shëndetshëm, në mënyrë që t’i pranojë me lehtësisht dhe të mos shkaktojnë probleme të tjera.
Nëse fëmija i refuzon nuk duhet ta detyroni, por mund të provoni në një tjetër moment sërish.
Lexoni edhe: Le te fillojme ushqimet e ngurta!
Për të lënë një koment ju duhet të jeni regjistruar Identifikohu